00:00:00 IGIHE NETWORK KN KINYARWANDA EN ENGLISH FR FRANCAIS

Genève: Abanyamuryango ba FPR Inkotanyi i Burayi bahuriye mu mwiherero (Amafoto)

Yanditswe na Karirima A. Ngarambe
Kuya 2 Ukwakira 2022 saa 02:09
Yasuwe :

Abanyamuryango ba FPR Inkotanyi basaga 500 baturutse mu bihugu bitandukanye by’u Burayi, bateraniye mu Busuwisi mu Mujyi wa Genève aho bari mu mwiherero w’iminsi ibiri.

Ni umwiherero ufite insanganyamatsiko igira iti “Uruhare rw’urubyiruko mu gushyira mu bikorwa intego z’Icyerecyezo 2050”

Uyu mwiherero watangiye kuri uyu wa Gatandatu tariki ya 1 Ukwakira, ukazasozwa tariki ya 2 Ukwakira 2022. Witabiriwe n’Abanyamuryango ba FPR Inkotanyi baturutse mu bihugu birimo Denmark, u Bwongereza, u Bubiligi, u Budage, u Butaliyani, u Bufaransa na Turikiya.

Umunsi wa mbere w’umwiherero waranzwe n’ibiganiro byafunguwe na Ambasaderi Marie Chantal Rwakazina uhagarariye u Rwanda mu gihugu cy’u Busuwisi, akaba ari n’umunyamuryango wa FPR Inkotanyi .

Dr Richard Mihigo nk’uhagarariye FPR Inkotanyi ku rwego rw’igihugu mu Busuwisi, yashimiye uko abitabiriye baje ari benshi mu mwambaro ucyeye w’umuryango.

Umunyamabanga wa Leta muri Minisiteri y’Ububanyi n’amahanga, Prof. Manasseh Nshuti watanze ikiganiro kijyanye no gutanga amakuru ku bijyanye n’uruhare rw’abanyarwanda mu kubaka igihugu cyabo.

Prof Nshuti yavuze ko iterambere u Rwanda rugezeho ubu nta cyarisubiza inyuma, kandi ko abashaka gusubiza igihugu mu macakubiri batazabigeraho.

Minisitiri Bizimana Jean Damascene yatanze ikiganiro ku ntekerezo shingiro y’imiyoborere y’u Rwanda kuva mu 1994.

Hatanzwe kandi ikiganiro ku ruhare rw’urubyiruko mu kurwanya ingengabitekerezo ya Jenoside bifashishije indangagaciro za Ndi Umunyarwanda.

Ibiganiro byagaragaye mu gice cya kabiri bigaruka ku iterambere ry’ubukungu. Havuzwemo ibikorwa byigisha urubyiruko guteza imbere ubukerarugendo, guhanga ibishya no gushinga inganda ntoya.

Igice cya gatatu cyavuzwemo uruhare rwa Diaspora nyarwanda mu guteza imbere imibereho myiza y’abanyarwanda naho igice cya kane cyavuzwemo ibijyanye no gukurikirana ibikorwa no gutanga amakuru, ingamba zo kumenyekanisha neza u Rwanda n’ibikorwa by’abanyarwanda mu mahanga.

Muri ibi biganiro, hatanzwe umwanya w’ibibazo n’ibisubizo .

Minisitiri Bizimana Jean Damascene yatanze ikiganiro ku ntekerezo shingiro y’imiyoborere y’u Rwanda kuva mu 1994
Prof Nshuti yavuze ko iterambere u Rwanda rugezeho ubu nta cyarisubiza inyuma, kandi ko abashaka gusubiza igihugu mu macakubiri batazabigeraho.
Ambasaderi Rwakazina yashimiye ubwitange n'ubwitabire byagaragajwe n'abanyamuryango ba FPR Inkotanyi
Dr Richard Mihigo yashimiye nk’uhagarariye FPR Inkotanyi ku rwego rw’igihugu mu Busuwisi uko abitabiriye baje ari benshi mu mwambaro ucyeye w’umuryango
Abanyarwanda basaga 500 nibo bahuriye i Genève biga ku iterambere ry'u Rwanda
Bacinye akadiho bishimira ibyo bagezeho
Emery Rwigema atanga ibitekerezo
Abanyamuryango batanze ibitekerezo bitandukanye
Ambasaderi Sebashongore ni umwe mu batanze ibitekerezo
Mary Barikungeri atanga inama
Aimable Bayingana waturutse mu Rwanda ashimira uko bakiriwe
Ambasaderi Busingye yasabye ko abanyamuryango ba FPR Inkotanyi gukomera ku mahame n'intego by'umuryango
Wari umunsi w'ibyishimo
Umuco nyarwanda wahawe umwanya ukomeye muri uyu mwiherero
Abanyarwands batuye mu Burayi bitabiriye ku bwinshi
Abitabiriye banyuzwe n'ibiganiro byatangiwe muri uyu mwiherero
Dr Bizimana yagarutse ku rugendo rwo kwiyubaka kw'abanyarwanda mu bumwe n'ubwiyunge
Uyu mwiherero wafatiwemo ibyemezo bitandukanye
Umunyamategeko Richard Gisagara ni umwe mu batanze ikiganiro
Ambasaderi w'u Rwanda mu Bwongereza, Johnston Busingye ni umwe mu bitabiriye
Olivier Gatete atanga ikiganiro ku bijyanye n’imikoreshereze y'imbuga nkoranyambaga
Yves Cyaka wayoboye ikiganiro cy’uyu munsi
Amb. Dr Diane Gashumba atanga ibitekerezo

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .