Uyu mukino utari woroshye wabereye mu Mujyi wa Oakland agace ka mbere karangiye Warriors iri imbere n’amanota 28 kuri 24, aka kabiri karangira iri imbere n’amanota 52 kuri 43 mu ka gatatu Cavaliers ihindura umukino bigera ku munota wa 8:40” irushwa inota rimwe gusa ari 69-68 ariko Warriors ibifashijwemo na Curry irangiza aka gace iri imbere n’amanota 74-68.

Mu gace ka nyuma, abakinnyi nka Kevin Love na Tristan Thompson bagerageje gufasha Cavaliers kuva inyuma ariko Curry na bagenzi be bababera ibamba birangira ari amanota 104 ya Golden State Warriors kuri 89 ya Cleveland Cavaliers.

LeBron James muri uyu mukino yatsinze amanota 23. Warriors ubu iri mu mwanya mwiza wo kwisubiza igikombe cya shampiyona yatwaye umwaka ushije nabyo itsinze Cavaliers imikino 4-2.

Aya makipe azakina umukino wa kabiri tariki 5 Kamena, uwa gatatu ube tariki 8 Kamena, uwa Kane ube tariki 10 ariko nibiba ngombwa ko hitabazwa imikino kamarampaka izatangire tariki 13 Kamena 2016.