Izo nyamaswa zafatiwe mu mizigo yari ivuye muri Afurika y’Epfo igiye kwinjizwa mu Burusiya kuri uyu wa Kane.

Russia Today yatangaje ko izo nyamaswa zari zizingiye mu mashashi atuma zihumeka.

Umugabo wafatanywe izo nyamaswa yavuze ko yazijyanye ashaka kuzorora iwe mu rugo ariko inzego z’ubutasi zagaragaje ko yashakaga kujya azigurisha.

Mu nyamaswa bamufatanye harimo ibinyaruvu, imiserebanya, ibikeri, ibitagangurirwa, ibinyenzi n’ibindi. Bimwe byageze i Moscow byapfuye kubera ubushyuhe no gutwarwa nabi.

Inyamaswa zageze mu Burusiya azi nzima zahise zishyikirizwa imiryango ishinzwe kwita ku binyabuzima.

Mu Ukuboza umwaka ushize na bwo u Burusiya bwafashe umuzigo w’umugore wari uvuye muri Philippines ashaka kwinjiza inyamaswa 150 nzima.