Umuntu ashobora kwandura Coronavirus nyuma yo gukingirwa

Yanditswe na Theogene Uwiragiye
Kuya 10 Mutarama 2021 saa 02:30
Yasuwe :
0 0

Ikigo gishinzwe gukurikirana indwara no kuzikumira muri Amerika(DCP), cyatangaje ko umuntu ashora guhabwa urukingo rwa Covid-19 akongera kwandura iyi ndwara kuko mu nkingo zose ziri kwifashishwa, nta ruyikingira 100%.

DCP yatangaje ko bitewe n’uko umuntu asabwa gufata inkingo ebyiri, bishobora gufata igihe kuko izi nkingo zibanza gufasha ubudahangarwa bw’umubiri kwitoza kurinda iyi ndwara by’umwihariko.

Urukingo rwa Moderna cyangwa Pfizer/BioNTech, nta na rumwe rwemejwe ko rushobora gukingira Covid-19 ijana ku ijana. Izi nkingo zombi nta rurengeje 95% kuko urwa Moderna rwo rukingira Covid-19 ku kigero cya 94.1%Ikigo cya DCP cyifashishije ibyavuye mu ikingirwa ry’umuganga witwa Sandra Lindsay wafashe urukingo rwa kabiri mu mpera z’Ukuboza 2020 ariko nyuma yapimwa bakamusangamo ubwandu bwa Coronavirus.

Ubusanzwe ku muntu wafashe urukingo rwa Covid-19 rwo mu bwoko bwa Pfizer/BioNTech, atangira kugira ubudahangarwa bw’umubiri nyuma y’iminsi irindwi afashe urwa kabiri. Ni mu gihe uwafashe urwa Moderna, umubiri we utangira kugira ubudahangarwa nyuma y’iminsi 14 afashe urwa kabiri.

Ibi bisobanura ko umuntu wafashe urukingo aramutse ahuye n’uwanduye iyi ndwara mbere y’iminsi y’uko urukingo rutangira gukora, yahita yandura.

Kugeza ubu abantu bamaze kwandura Covid-19 bagera kuri miliyoni 89.6. Muri abo, abagera kuri miliyoni 49.7 bamaze kuyikira, naho abagera kuri miliyoni 1.93 bamaze guhitanwa na yo.

Inzobere zagaragaje ko uwafashe urukingo rwa Coronavirus ashobora kongera kwandura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .