00:00:00 IGIHE NETWORK KN KINYARWANDA EN ENGLISH FR FRANCAIS

Ubushyuhe budasanzwe bushobora gutwika amashyamba mu Bushinwa

Yanditswe na Bukuru JC
Kuya 23 July 2022 saa 04:56
Yasuwe :

Inzego zishinzwe iteganyagihe mu Bushinwa ziri kuburira abaturage bo mu ntara zitandukanye ku bipimo by’ubushyuhe budasanzwe bushobora kwibasira icyo gihugu mu minsi 10.

Byitezwe ko ubu bushyuhe bushobora kurenga ikigero cya dogere Celcius 40, ku buryo hari n’aho ubuyobozi bwasabye abaturage gucunga amashyamba, kuko ashobora gufatwa n’inkongi y’umuriro kubera ubu bushyuhe budasanzwe.

Nko mu Mujyi wa Shanghai uri mu yikorerwamo ubucuruzi bwinshi, ukaza no mu mijyi ikomeye mu Bushinwa, ubushyuhe buteganyijwe kugera ku kigero cya dogere Celcius 40.1, kandi ubusanzwe mu bihe nk’ibi butajya bupfa kurenza dogere Celcius 30.

Mu 1973, nibwo ubushyuhe nk’ubu bwaherukaga muri uyu Mujyi, uretse ko mu myaka ya vuba bwari busanzwe bwariyongere, ahanini kubera ingaruka z’imihindagurikire y’ikirere.

Abahanga mu by’ikirere bavuga ko ubushyuhe bungana gutya ari ikimenyetso gikomeye kiranga imihindagurukire y’ikirere, aho ibice bitandukanye by’Isi birimo u Burayi na Leta Zunze Ubumwe za Amerika bikunze kugarizwa n’ubushyuhe budasanzwe, cyane cyane mu bihe nk’ibi by’impeshyi.

Kuva mu 1900, ubwo hatangiraga iterambere ry’inganda mu Burayi na Amerika, ubushyuhe bw’Isi bwiyongereyeho dogere Celcius 1.1, ndetse ubu bushyuhe bukazakomeza kwiyongera mu gihe igipimo cy’imyuka yangiza ikirere (yiganjemo CO2) kitarushaho kugabanuka.

U Bushinwa ni cyo gihugu cya mbere ku Isi cyohereza iyi myuka mu kirere, ahanini bitewe n’umubare w’inganda nyinshi uri muri icyo gihugu.

Abaturage b'u Bushinwa baburiwe ku bushyuhe budasanzwe bugiye kwibasira igihugu cyabo mu minsi 10 iri imbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .