00:00:00 IGIHE NETWORK KN KINYARWANDA EN ENGLISH FR FRANCAIS

U Bwongereza: Umudepite yishwe atewe ibyuma

Yanditswe na Bukuru JC
Kuya 15 Ukwakira 2021 saa 04:27
Yasuwe :
0 0

Umudepite wo mu ishyaka ry’Aba-Conservateurs mu Bwongereza, Sir David Amess, yishwe atewe icyuma ubwo yari mu nama n’abaturage ahagarariye bo mu gace ka Essex mu Majyepfo ashyira Uburasirazuba bw’icyo gihugu.

Umwe mu bakekwaho kumutera icyuma yahise atabwa muri yombi na Polisi, nk’uko The Guardian yabitangaje. Inama Amess yiciwemo yari iri kubera mu rusengero.

Uyu mugabo ni umudepite uhagarariye Essex guhera mu 1997. Abakora mu biro bye batangaje ko na bo bategereje amakuru y’inzego z’umutekano.

Polisi yo muri Essex yatangaje ko umugabo ukekwaho gutera icyuma Amess yatawe muri yombi. Icyuma cyakoreshejwe na cyo cyatwawe na Polisi.

Abashinzwe ubutabazi bahise bahagera, bagerageza kuvura Amess ariko ibikomere yatewe n’ibyuma yajombaguwe byari byinshi ku buryo yahise ahasiga ubuzima.

Iki gitero cyagabwe kuri Amess cyazamuye impaka ku mutekano w’abadepite, bakunze kugirana inama n’abo bahagarariye nta nzego z’umutekano zihari.

Mu mwaka wa 2016 nibbwo undi mudepite witwa Jo Cox yishwe atewe ibyuma n’icyihebe.

Amess yatewe icyuma ari mu nama n'abaturage

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .