00:00:00 IGIHE NETWORK KN KINYARWANDA EN ENGLISH FR FRANCAIS

U Bwongereza: Ubwiyongere bw’ubwoko bushya bwa Covid-19 bukomeje gutera impungenge

Yanditswe na Mutangana Gaspard
Kuya 7 Gicurasi 2021 saa 02:01
Yasuwe :
0 0

Inzego z’ubuzima mu gihugu cy’u Bwongereza zatangaje ko zihangayikishijwe n’ubwiyongere bukabije bw’ubwoko bushya bwa Covid-19 bwagaragaye bwa mbere mu Buhinde.

BBC yatangaje ko abasaga 500 bamaze gusanganwa ubwandu bw’ubu bwoko bushya bwa Covid-19, buzwi nka B.1.617.2.

Abenshi mu batahuwemo ubu bwoko bushya bwa Coronavirus mu Bwongereza, ni abo mu Mujyi wa Londres n’abo mu Majyarugu ashyira Uburengerabuza bw’iki gihugu.

Ubu bwoko bushya bufite ubushobozi bwo kwandura ku muvuduko urusha uw’ubwoko bwa Covid-19 bwagaragaye bwa mbere mu Bushinwa, ariko nta kimenyetso kigaragaza ko ubu bwoko bushya bushobora kurusha ubushobozi urukingo rwa Covid-19.

Nko mu Bwongereza, abantu 14 bageze mu zabukuru basanzwemo ubwandu bw’iki cyorezo, ariko kuko bari barahawe inkingo, birangira bakize kandi batazahajwe n’iyi ndwara.

Abarenga miliyoni 30 bamaze guhabwa urukingo rumwe rwa Covid-19 mu gihe abarenga miliyoni 16, bangana na 24% by’Abongereza bose, bamaze guhabwa inkingo ebyiri.

Inzego z'ubuzima mu Bwongereza zihangayikishijwe n'ubwiyongere bw'ubwoko bwa Covid-19 bukomoka mu Buhinde

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .