00:00:00 IGIHE NETWORK KN KINYARWANDA EN ENGLISH FR FRANCAIS

U Burayi bwemeje ikoreshwa ry’inkingo za Moderna na Pfizer mu guhangana na Omicron

Yanditswe na Yvette Balinda
Kuya 3 September 2022 saa 07:36
Yasuwe :

Ikigo gishinzwe ubugenzuzi bw’imiti mu Burayi cyemeje ikoreshwa ry’inkingo za Moderna na BioNTech-Pfizer, mu guhangana n’icyorezo cya Covid-19 yo mu bwoko bwa Omicron yihinduranya.

Izi nkingo ni zo za mbere zakozwe mu guhangana na Omicron yihinduranyije yo mu bwoko bwa BA.1 ndetse n’iyi virusi y’umwimerere.

I Burayi izi nkingo zizakora nk’izo gushimangira ku bantu bamaze kubona inkingo zuzuye za Covid-19. Ikigo cy’u Burayi kikaba kivuga ko zizakoreshwa guhera ku bafite imyaka 12 kuzamura.

Bongeyeho kandi ko inyigo zakozwe zagaragaje ko izi nkingo zongeraga ubudahangarwa mu mubiri kandi zikaganza BA.1 kurusha inkingo zari zisanzwe.

Inkingo z’inkingo zo guhangana n’andi moko ya Omicron nka BA.4 na BA.5 ziracyari mu nyigo biteganyijwe ko zizafatwaho icyemezo mu bihe bya vuba.

Ikigo gishinzwe kugenzura ibiribwa n’imiti cyo muri Amerika cyamaze kwemera ikoreshwa ry’inkingo zo guhangana na Omicron yo mu bwoko bwa BA.4 na BA.5 kuwa gatatu.

Minisitiri w’ubuzima mu Budage Karl Lauterbach yavuze ko inkingo nshya zizaba ziboneka mu Budage mu cyumweru gitaha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .