Coronavirus ikomeje guca ibintu muri Amerika

Yanditswe na Ntabareshya Jean de Dieu
Kuya 28 Ukuboza 2020 saa 03:21
Yasuwe :
0 0

Nyuma y’igihe kijya kugera ku byumweru bibiri Leta Zunze Ubumwe za Amerika zitangiye gutanga inkingo za Coronavirus, aho abarenga miliyoni ebyiri bamaze kuzihabwa, iki cyorezo gikomeje gufata indi ntera ndetse abahanga mu byo kurwanya ibyorezo bakomeje kuvuga ko hakiri ibyago byinshi by’uko kizakomeza guca ibintu mu mezi ari imbere.

Nko mu minsi 26 ya mbere y’uku kwezi, Abanyamerika ibihumbi 63 bahitanywe na Coronavirus, mu gihe mu kwezi gushize bari ibihumbi 32.

Dr. Antoine Fauci uyobora Ikigo cy’Abanyamerika gishinzwe kurwanya Indwara zandura, yavuze ko urugamba rwo kurwanya icyorezo cya Coronavirus rugeze mu mahina.

Yagize ati “Iyo uhanganye n’abantu 200 000 bandura buri munsi, kandi abagera kuri 2000 bagapfa buri munsi mu gihe abandi 120 000 bazanwa mu bitaro buri munsi, uba uri mu bibazo bikomeye. Mu byumweru bicye biri imbere, ibintu bishobora kuzarushaho kugenda nabi.”

Abantu miliyoni ni bo 19.1 bamaze kwandura Coronavirus muri Leta Zunze Ubumwe za Amerika, mu gihe abarenga ibihumbi 333 bamaze kwitaba Imana, bigakekwa ko bashobora kuziyongeraho abantu 193 000 mu mezi abiri ari imbere.

Dr. Fauci yaburiye Abanyamerika ko Coronavirus izakomeza guca ibintu mu mezi ari imbere, abasaba gukomeza kwirinda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .