Kuva u Burusiya bwatangiza intambara muri Ukraine muri Gashyantare 2022, ibihugu by’i Burengerazuba byahise bifatira ibihano iki gihugu byo gufatira umutungo wacyo ufite agaciro kangana na miliyari 300$, miliyari 200$ zafatiriwe n’Umuryango w’Ubumwe bw’i Burayi.

Ibihugu by’i Burengerazuba bigaragaza ko byiteguye kubyaza umusaruro iyi mitungo y’u Burusiya yafatiriwe bikayikoresha bifasha Ukraine mu ntambara irimo.

G7 ishobora gukoresha inyungu zikomoka kuri ayo mafaranga y’u Burusiya yafatiriwe, bakazayahamo inkunga Ukraine igera kuri miliyari 50$, ndetse ku rundi ruhande EU na yo yemereye iki gihugu agera kuri miliyari 21$ yo gukomeza kwifashisha mu guhangana n’u Burusiya bamaze igihe bahanganye.