Oman iri mu myiteguro yo gufata ingamba zikakaye mu guhashya Covid-19 zirimo no gukumira abagenzi bo mu bihugu bimwe na bimwe kwinjira.

Minisitiri Dr Ahmed bin Mohammed Al-Saeedi yavuze ko imibatre y’abagenzi baturuka muri Tanzania igaragaza ubwandu buri hejuru, aho 18 % y’abo bamaze kwakira basanze barwaye.

Yavuze ko hashyizweho komite igomba kwiga ku bihugu byagaragayemo bagenzi banduye Covid-19 kurusha ibindi.

Guhera umwaka ushize Tanzania ntabwo yashyizeho ingamba zikomeye zo kurwanya Covid-19, ndetse inshuro nyinshi abayobozi bayo bagiye bumvikana bavuga ko nta Covid-19 iri mu gihugu, kandi ko barinzwe n’Imana.