00:00:00 IGIHE NETWORK KN KINYARWANDA EN ENGLISH FR FRANCAIS

Mushikiwabo yashimye uburyo Haiti iri kwitwara nyuma y’urupfu rwa Perezida Jovenel

Yanditswe na Bukuru JC
Kuya 25 Nyakanga 2021 saa 08:16
Yasuwe :
0 0

Umunyamabanga Mukuru w’Umuryango Uhuza ibihugu bikoresha Igifaransa, OIF, Louise Mushikiwabo yifatanyije n’abaturage ba Haiti mu gusezera kuri Perezida Jovenel Moïse, abashimira uburyo bakomeje kwitwara nyuma y’urupfu rwe.

Perezida Jovenel yishwe n’abantu bitwaje intwaro tariki 7 Nyakanga ubwo bamusangaga mu rugo rwe mu murwa mukuru Port-au-Prince.

Mu muhango wo kumusezeraho wabaye kuri uyu wa Gatanu, Mushikiwabo yohereje ubutumwa bw’akababaro bwo kwifatanya n’abaturage ba Haiti, abizeza ubufatanye busesuye bw’umuryango ayoboye.

Mushikiwabo kandi yashimye Guverinoma nshya yashyizweho kuwa kabiri w’iki Cyumweru iyobowe na Minisitiri w’Intebe Dr. Ariel Henry. Uyu ni na we Minisitiri w’Intebe mushya Perezida Jovenel yari yasize atangaje.

Umunyamabanga Mukuru wa OIF yasabye abanyapolitiki bo muri Haiti kugana inzira y’ibiganiro mu rwego rwo kuganirira hamwe ejo hazaza h’igihugu cyabo binyuze muri demokarasi.

Minisitiri w’Intebe mushya Ariel Henry yasezeranyije abaturage ba Haiti ko azaharanira ko abishe Perezida Jovenel bazagezwa mu butabera.

Mushikiwabo ubwo yasezeraga kuri Perezida Jovenel wishwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .