Imibare y’abandura Covid-19 yongeye kuzamuka, ibihugu bikize bisabwa guha inkingo ibikennye

Yanditswe na Mutangana Gaspard
Kuya 20 Mata 2021 saa 12:47
Yasuwe :
0 0

Ishani rya Loni ryita ku buzima, OMS, ryatangaje izamuka rikabije ry’imibare y’abandura n’abicwa na Covid-19, risaba ibihugu bikize guha inkingo ibikennye, no gukaza ingamba zo kurwanya iki cyorezo.

Mu cyumweru gishize, abantu miliyoni 5.2 ku isi banduye Coronavirus, buba imibare ya mbere myinshi itangajwe mu cyumweru uhereye umwaka ushize.

7sur7 yatangaje ko Umuyobozi Mukuru w’Ishami rya Loni ryita ku Buzima OMS, Dr. Tedros Adhanom Ghebreyesus yongeye guhamagarira ibihugu bikize guha ibikennye inkingo za Covid-19, aho gukomeza kuzigwizaho kandi abaturage babyo barakingiwe

Imibare itangazwa na OMS, igaragaza ko nibura muri buri gihugu gikize, 25% by’abaturage bacyo bamaze guhabwa urukingo rwa mbere rwa Covid-19, mu gihe mu bihugu bikennye byo umuntu umwe muri magana atanu (1/500) ari we umaze guhabwa urukingo rwa mbere.

Ni mu gihe imibare y’abandura n’abicwa na Covid-19 imaze kuzamuka ku rugero ruteye inkeke.

Yavuze ko byatwaye amezi icyenda ngo abicwa na Coronavirus bagere kuri miliyoni imwe, bitwara andi ane ngo bagere kuri miliyoni ebyiri none nyuma y’andi mezi atatu bageze kuri miliyoni eshatu.

OMS yatangaje ko ibi byatewe n’uko guhana intera nk’imwe muri gahunda zo gukumira ikwarakwira rya Coronavirus bitacyubahirizwa, kandi haradutse andi moko y’iyi virusi yandura vuba kurusha virusi isanzwe.

Abahanga mu by’ubuvuzi na bo, bafite impungenge bitewe n’uko imibare y’abandura Covid-19 n’abajyanwa mu bitaro bafite hagati y’imyaka 25-40 y’amavuko bakomeje kwiyongera.

Icyora nanone, Dr. Tedos, yatangaje ko Covid-19 ishobora kuzacogora mu mezi ari imbere mu gihe Isi yose yakaza ingamba zo kurwanya iki cyorezo, nko gusukura intoki kenshi, guhana intera hatibagiranye kwikingiza.

Ku isi hose, abantu miliyoni 141 nibo bamaze kwandura Covid-19, abasaga miliyoni 3.1 yarabahitanye mu gihe miliyoni 80.4 bayikize.

Imibare y'abandura n'abicwa na Covid-19 ikomeje kwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .