Coronavirus kuwa 16 Kamena: Abanduye ku Isi barenze miliyoni umunani

Yanditswe na Habimana James
Kuya 16 Kamena 2020 saa 09:31
Yasuwe :
0 0

Nyuma y’amezi hafi arindwi icyorezo cya coronavirus cyadutse mu Mujyi wa Wuhan mu Bushinwa, Ishami ry’Umuryango w’Abibumbye ryita ku Buzima, OMS ryatangaje ko abamaze kwandura ku Isi ubu bageze kuri 8 118 908, abamaze gupfa bo bageze ku 439 204.

Imibare ya OMS igaragaza ko abandura n’abapfa bakomeza kwiyongera, kuri uyu wa Mbere abanduye ni 122 028 mu gihe abapfuye ari 3538.

Brésil iri mu bihugu byugarijwe cyane na coronavirus, ku wa Mbere hapfuye abantu 729 abandi 23 674 barandura.

Muri Leta Zunze Ubumwe za Amerika ho handuye abantu 20 722 umunsi umwe, abandi 425 barapfa.

Leta Zunze Ubumwe za Amerika kandi zikomeje kuza imbere mu kugira umubare w’abanduye n’abamaze gupfa benshi, abanduye ni 2 182 950, abamaze gupfa bo ni 118 283. Brésil iza ku mwanya wa Kabiri aho ifite abanduye 891 556 naho abamaze gupfa ni 44 118, u Burusiya buza ku mwanya wa Gatatu kuko bufite abanduye 537 210, hamaze gupfa 7 091.

U Buhinde buri ku mwanya wa kane kuko hamaze kwandura 343 091, hamaze gupfa 9 915. Mu Bwongereza handuye 296 857 hamaze gupfa 41 736.

Ku mugabane wa Afurika hamaze kugaragara abantu 254 214 banduye Coronavirus, abamaze gupfa ni 6 793 naho abakize ni 116 730.

Afurika y’Epfo iri imbere mu kugira abafite ubwandu benshi kuko bageze ku 73 533, abamaze gupfa ni 1 568, ikurikirwa na Misiri ubu ifite abamaze gupfa benshi kuri uyu mugabane kuko bageze kuri 1 672 naho abamaze kwandura ni 46 289.

Muri Afurika y’Iburasirazuba, Kenya ni cyo gihugu cyugarijwe cyane kuko nko kuri uyu wa Mbere cyabonye ubwandu bushya 133 . Ibi byatumye abamaze kwandura ari 3 727, hapfuye 104.

U Rwanda rufite abanduye 612, hamaze gupfa abantu babiri ariko hamaze gukira abandi 338, muri Uganda hari abanduye 705, Tanzania ifite abanduye 509 hamaze gupfa 21, mu Burundi handuye abantu 85 hapfa umwe naho muri Sudan y’Epfo hamaze kwandura abantu 1 693, hamaze gupfa 27.

Mu bihugu bihana imbibi n’u Rwanda, Repubulika Iharanira Demokarasi ya Congo niyo yibasiwe cyane, kuko ubu ifite abanduye 4 837 barimo 112 bamaze gupfa.

Kuri uyu wa Mbere ku isi handuye abantu ibihumbi 122

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .