00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’Umunsi: Yayobotse kudoda inkweto nk’isomo yasigiwe na COVID-19

Yanditswe na Irakiza Yuhi Augustin
Kuya 31 May 2022 saa 12:35
Yasuwe :

COVID-19 yasize amasomo atari make! Benshi bafungutse amaso batangira gutekereza kwikorera no gushaka ikindi kintu cyabinjiriza amafaranga.

Ingamba zafashwe mu guhangana n’iki cyorezo ni zo zatumye abantu bamwe na bamwe batangira gushaka ubundi buryo bwatuma babona amaramuko, bakabaho batishingikiriza ku bandi cyangwa ngo babategere amaboko.

Mu bakuye amasomo kuri COVID-19, harimo n’umubyeyi wo mu Murenge wa Kamembe mu Karere ka Rusizi. Uyu usanzwe ari umuyoboke wa ADEPR, yayobotse umurimo wo kudoda inkweto ngo ushobore kumuha ikimutunga we n’umuryango we.

Akorera akazi ke ku gasima gaherereye imbere y’amarembo y’Urwunge rw’Amashuri rwa Gihundwe n’Urusengero rwa ADEPR Gihundwe, urwa mbere rw’iri torero rwubatswe mu Rwanda cyane ko ari ho ryatangiriye mu 1940.

Aho hantu ni iseta rizwi cyane ndetse riyobokwa n’abakoresha inkweto mu Mudugudu wa Kamuhirwa, Akagari ka Kamurera, Umurenge wa Kamembe mu Karere ka Rusizi.

Mu kiganiro yagiranye na IGIHE yavuze ko amaze igihe gito atangiye uyu mwuga ariko abona umuha icyizere.

Yagize ati “Maze igihe gito ntangiye kudoda inkweto. Ni nk’amezi atandatu. Nabitangiye nyuma yo kubona ingaruka COVID-19 yangizeho. Natekereje gushaka icyamfasha kwiteza imbere.’’

Uyu mubyeyi asanzwe ari umuririmbyi w’imwe muri korali muri ADEPR muri Gihundwe.

Nyuma y'ingaruka za COVID-19 yahisemo kuyoboka kudoda inkweto
Uyu mubyeyi amaze amezi make atangiye kudoda ariko avuga ko bitanga icyizere
Akora umurimo awukunze kandi uramutunze
N'abagabo baramuyoboka akabadodera inkweto. Aka gasima akoreraho kuva kera muri za 2000 kadoderwagaho inkweto

Amafoto: Yuhi Augustin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .