00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’Umunsi: Yafatiye icyemezo gikakaye ihene ze zona

Yanditswe na Irakiza Yuhi Augustin
Kuya 28 July 2022 saa 09:56
Yasuwe :

Ubworozi ni umwe mu mirimo ifatiye runini Abanyarwanda ariko unakunze guteranya abaturanyi cyane nk’igihe amatungo y’umwe yonnye imyaka ya mugenzi we, ibi bituma buri mworozi ahora yigengesereye ngo atazagwa muri iri kosa.

Bivugwa ko umuntu yoneshereje mugenzi we, igihe amatungo ye yaba amagufi n’amaremare yononnye imyaka y’abandi akaba yayinyuka cyangwa akayirya.

Nubwo mu Rwanda gahunda yo kororera mu biraro ikataje hari ahakigaragara iki kibazo ndetse kikavamo imanza ndende.

Mu rwego rwo kwirinda iki kibazo, aborozi bafata ingamba zitandukanye, aborora inkoko hari igihe bahitamo kuzikata inzara z’amajanja kugira ngo zitaraha, abafite inka n’andi matungo maremare bakayororera mu biraro.

Mu ruzinduko umunyamakuru wa IGIHE ufata amafoto aherutse kugirira mu Karere ka Musanze yatunguwe no kubona hari umworozi w’ihene wo muri aka karere wafashe icyemezo cyo kuzambika ibice by’amacupa n’utujerekani nka kumwe abantu bambaraga agapfukamunwa igihe icyorezo cya COVID-19 cyari kimeze nabi.

Izi hene zambikwa ibi bikoresho bidashobora gutuma zona igihe ziri mu nzira zijyanywe kuziririkwa cyangwa zicyuwe kugira ngo zitona mu mirima zigenda zinyuraho.

Iyo zigeze aho zizirikwa zamburwa ibi bikoresho kugira ngo zibone uko zirisha.

Hari abashimye igitekerezo cy’uyu mworozi, bavuga ko ari bimwe by’intore yishakira inzira, mu gihe hari n’abandi bagaragaza ko ibyo yakoze ari uguhohotera amatungo ye.

Uyu mworozi wo mu Karere ka Musanze yafatiye icyemezo gikakaye ihene ze zona

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .