Uretse abagana iri hahiro, hari benshi bari Simba Center bagiye gufatira ifoto kuri iyi nyubako ifite agace kaba kazamukamo amazi ari mu mabara atandukanye, bikaryohera amaso y’abatari bake.

Buri mugoroba usanga abantu batandukanye bavuye ku mirimo basohokanye n’imiryango yabo kuri Simba center, inyubako nshya iri i Gacuriro atari uguhaha gusa bibajyanye ahubwo bashaka no kuharuhukira ari nako bahafatira amafoto y’urwibutso.

Iyi nyubako ubusanzwe irimo ihahiro rya Simba rihuriwemo n’abacuruzi batandukanye bityo bikaba byagorana ko ugira ibyo uhabura mu gihe waba ugiye kuhahira.

Binavugwa ko hari gutegurwa gushyirwa ibikinisho bigezweho by’abana ku buryo hazaba ahantu hagutse ho kwidagadurira.

Simba Center iherereye i Gacuriro ikomeje kuvugisha abanyamujyi

Benshi baba bafite amatsiko y'aya mazi yo kuri Simba

Ku mugoroba kuri Simba haba hakoraniye abatari bake ba ba bagiye kuhagorobereza

Hashyizwe intebe zicaraho abashaka kugorobereza kuri Simba

Benshi bishimira gukinira muri aya mazi ariko bifata amashusho n'amafoto

Ni amazi aba azamuka mu mabara atandukanye

Aya mazi yakuruye urujya n'uruza kuri Simba iherereye i Gacuriro

Bitewe n'uburyo atari ibintu bimenyerewe, usanga hakoraniye abantu benshi bagiye kuruhukira ku mbuga ya Simba

Amafoto: Kwizera Herve