00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’Umunsi: I Musanze batunguwe no kubona imbogo mu mujyi

Yanditswe na Claude Bazatsinda
Kuya 29 May 2022 saa 06:47
Yasuwe :

Kuri iki Cyumweru, tariki ya 29 Gicurasi 2022, abaturage bo muri Musanze batunguwe no kubona imbogo itambagira muri uyu mujyi ndetse igatangira gusagarira bamwe muri bo.

Iyi mbogo yatorotse Pariki y’Igihugu y’Ibirunga yinjiye mu Mujyi wa Musanze inyuze mu Murenge wa Cyuve yinjira mu wa Muhoza imanuka ahitwa Nyamagumba, Kabaya yinjira mu Murenge wa Muko mu Kagari ka Kivugiza mu Mudugudu wa Susa.

Nyuma yo gutangira gusagarira abaturage hafashwe icyemezo cyo kuyirasa kuko no kuyisubiza muri pariki byari byananiranye.

Ifoto yafatiwe mu Murenge wa Muko, mu Kagari ka Kivugiza igaragaza abaturage bayegereye bayishyira ku ngazi kugira ngo ijyanwe gutabwa hatagira abayirya, bikaba byabagiraho ingaruka.

Icyo gihe ni bwo abaturage batangiye kuyifotorezaho, ndetse bamwe muri bo basa n’abafite akanyamuneza.

I Musanze batunguwe no kubona imbogo mu mujyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .