00:00:00 IGIHE NETWORK KN KINYARWANDA EN ENGLISH FR FRANCAIS

Ifoto y’Umunsi: Abafana ba Wales batunguranye bakora isuku i Bruxelles

Yanditswe na Byiringiro Osée Elvis
Kuya 24 Nzeri 2022 saa 08:07
Yasuwe :

Abafana ba Wales batunguranye basukura Umujyi wa Bruxelles nyuma y’umukino wahuje igihugu cyabo n’u Bubiligi muri UEFA Nations league.

Ni umukino wabaye ku wa Kane, tariki 22 Nzeri 2022, warangiye u Bubiligi butsinze Wales ibitego 2-1.

Ibitego by’u Bubiligi byatsinzwe na Kevin De Bruyne na Michy Batshuayi mu gihe impozamarira ya Wales yatsinzwe na Kieffer Moore.

Nyuma y’umukino, abafana 2500 ba Wales bakoze isuku mu Mujyi wa Bruxelles batora amashashi, amacupa y’amazi n’imikebe y’inzoga.

Ni igikorwa cyashimishije abakunzi b’umupira w’amaguru, benshi bahamya ko kinatunguranye by’umwihariko ku ikipe yatsinzwe.

Polisi y’i Bruxelles n’Umuyobozi w’uyu mujyi, Philippe Close, bashimye aba bafana.

Polisi yavuze ko ibyo bakoze bidasanzwe kandi bikwiye gushimwa. Iti “Turashimira abafana b’ikipe twari duhanganye kuba basize umujyi usukuye nk’uko bawusanze.”

Meya Philippe Close yavuze ko iki gikorwa gikwiye kubera abandi bafana urugero.

Yagize “Dukuriye ingofero abafana ba Wales, nyuma yo kwishimira mu mujyi wacu basize basukuye umwanda bari bateje. Ibi byakabereye urugero abandi bafana.”

Abafana ba Wales batoraguye imyanda mu Mujyi wa Bruxelles
Abafana na Wales batunguye Isi bakora isuku nyuma yo gutsindwa n'u Bubiligi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .