Ifoto y’Umunsi: Michelle Obama mu myambaro yakuriwe ingofero na benshi

Yanditswe na Uwimana Abraham
Kuya 21 Mutarama 2021 saa 09:25
Yasuwe :
0 0

Mu birori by’irahira rya Perezida mushya wa Leta Zunze Ubumwe za Amerika muri manda y’imyaka ine iri imbere, Joe Biden, ntabwo hagaragaye umuhanzikazi w’icyamamare Beyoncé nk’uko byagenze ku irahira rya Barack Obama, gusa hari abandi bahaserutse nka Lady Gaga na Jennifer Lopez.

Gusa na none benshi mu bitabiriye ibyo birori batangaje ko uretse abo bahanzikazi baserukanye umucyo muri ibyo birori, ngo hari undi watunguye benshi na we washyirwa muri icyo cyiciro, wari wambaye nk’icyamamare koko.

Michelle Obama waserukanye n’umugabo we Barack Obama, yaje agaragara mu buryo budasanzwe bwakuriwe ingofero na benshi, bati “Yambaye nk’icyamamare rwose.”

Yari yambaye yajyanishije bidasanzwe, amabare yiganjemo umutuku wijimye, yari yambaye ipantaro ndende kandi isa n’aho ari ngari ndetse n’ikoti rirerire ryakozwe n’umuhanzi w’imideli uzwi cyane, Sergio Hudson, yari yambaye n’umukandara ufite indumyo ya zahabu, ndetse n’inkweto zakozwe na Stuart Weitzman, ukongeraho agapfukamunwa ke nako katari gasanzwe.

Ababonye uyu mugore bose muri ibi birori ntibiyumanganyije, bagaragaje ko yahacanye umucyo , benshi bahitaga bavuga ka kajambo gakunzwe mu cyongereza bati “wow!”

Barack Obama na Michelle Obama ni uku baserutse, imyambarire yabo yakuriwe ingofero
Michelle Obama yari yambaye imyambaro yashimwe na benshi kandi ubona ibara ryayo rifite umwihariko
Michelle Obama na Barack bari muri 'couples' zikunzwe na benshi ku Isi
Byagaragaraga ko Michelle Obama yiteguye bihagije uyu muhango wo kurahira kwa Biden
Michelle na Barack ubwo bageraga aho umuhango wo kurahira kwa Biden uri bubere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .