Werurwe izasiga Irambona wa Rayon Sports atakiri ingaragu

Yanditswe na Uwiduhaye Theos
Kuya 30 Mutarama 2019 saa 02:20
Yasuwe :
0 0

Nyuma y’ukwezi myugariro wa Rayon Sports, Irambona Eric Gisa, ateye ivi asaba umukunzi we Mugeni Olivia kumubera umugore mu birori byahuje inshuti n’imiryango; ubu uyu musore yamaze gutangaza itariki y’ubukwe.

Ibirori uyu musore yasabiyemo urukundo byabaye mu ijoro ryo ku wa 30 Ukuboza 2018 kuri Urban Hotel byitabirwa n’inshuti ze ziganjemo abakinnyi.

Icyo gihe, uyu myugariro w’ibumoso yashyigikiwe n’abandi bakinnyi ba Rayon Sports nka Mugisha François Master, Mutsinzi Ange Jimmy, Djabel Manishimwe n’Umutoza wabo Roberto Oliveira Goncalves do Carmo bita Robertinho.

Yanahise abwira IGIHE ko ashobora gukora ubukwe mu mpeshyi ya 2019 ariko ubu yamaze gushyira hanze urupapuro rw’integuza y’ubukwe bwe yerekana ko buzaba muri Werurwe 2019.

Kuri uru rupapuro rw’integuza rwerekana ko uyu musore w’imyaka 26 azakora ubukwe ku wa 23 Werurwe n’umukunzi we Mugeni Olivia.

Ntabwo indi mihango ijyanye n’ubukwe bw’uyu musore yayishyize hanze kuko yanditse ko impapuro z’ubutumire arizo zigiye guhita zikurikiraho hakamenyakana ibijyanye n’ibirori.

Irambona mu kiganiro aherutse guha IGIHE yavuze ko atafashe umwanzuro wo kubana na Mugeni ahubutse kuko yari amaze imyaka itatu aziranye nawe ndetse ari izingiro ry’ibyishimo bye , akanaba icyuzuzo cy’umutima we.

Ati “Si ukuba ari umukunzi wanjye gusa ahubwo ni n’umujyanama wanjye mu kazi nkora k’umupira w’amaguru. Kubana nawe ntekereza ko bizanteza imbere kurushaho.”

Irambona Eric n'umukunzi we bagiye gushyingirwa

Irambona azaba abaye undi mukinnyi wa Rayon Sports ukoze ubukwe nyuma ya Manishimwe Djabel uherutse kurushinga na Niyitunganye Kawthar tariki 26 Mutarama 2019 ndetse na Mukunzi Yannick wahoze muri iyi kipe uherutse gusezerana mu mategeko n’umukunzi we Iribagiza Joy tariki 20 Mutarama 2019.

Myugariro wa Rayon Sports yemerewe n'umukunzi we ko bazabana
Bombi bamaze imyaka itatu ari inshuti zikomeye
Amarangamutima yasaze Mugeni nyuma yo kwambikwa impeta n'umukunzi
Bombi basangiye umutsima bishimira urugendo rushya bagiye gutangira
Abakinnyi ba Rayon Sports, Mutsinzi Ange Jimmy, Manishimwe Djabel, Mugisha Master n'umutoza Robertinho bari mu bitabiriye ibi birori
Djabel Manishimwe ni undi mukinnyi wa Rayon Sports uherutse kurushinga
Robertinho yishimiye intambwe yatewe n'umukinnyi we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza