Stellan, izina ry’umuhungu wiyubaha

Yanditswe na Ishimwe Deborah
Kuya 17 Ukwakira 2020 saa 05:48
Yasuwe :
0 0

Guhitamo izina ryiza wita umwana ni iby’ingenzi cyane kuko aba ariyo mpano ya mbere uba ugiye kumuha kandi itazigera yibagirana cyane ko bamwe bavuga ko igisobanuro cy’izina gishobora kugira uruhare mu ntsinzi y’ubuzima bwe bw’ahazaza.

Izina Stellan rikomoka muri Suède ku ijambo ‘Stilla” risobanura “umunyamahoro cyangwa umuntu utuje”. Riri mu mazina agezweho muri uyu mwaka.

Umuntu witwa iri zina akunze kurangwa no kwiyubaha, gufata inshingano ndetse aba ari umuntu uhamye hamwe, utajagaraye.

Akunda guharanira umutekano w’umuryango we, akunda abana ndetse akunze no kuvamo umubyeyi ubasha kubumva kandi ushyira mu gaciro.

Iyo ari mu mwanya wo kuvugana n’abantu benshi, biramworohera kuko azi kubana n’abantu kandi afite uburyo abasha kwiharira umwanya wabo anabashimisha bigatuma abasha gushyira abantu mu mwanya utuma bamutega amatwi bitamugoye.

Abantu bakunze kumwigiraho kuko baba bamufata nk’umuntu mwiza, wihangana, wumvikana kandi utirengagiza abandi.

Ni umuntu ukora neza imirimo y’ubukorerabushake mu gukemura ibibazo by’abaturage.

Nubwo aba ari inyangamugayo ndetse akanafata inshingano, akunze guhagarika ibikorwa bimwe na bimwe kubera gutinya ko yahuriramo n’ibibazo ku mpamvu zo kutigirira icyizere ndetse akanagira ubwoba bwo gutangiza igikorwa cye.

Ntabwo akunze kugira ibibazo by’ubuzima gusa rimwe na rimwe ashobora kugira ikibazo cy’amazi make mu mubiri.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .