KCB Rwanda yatanze miliyoni 100 Frw yo kugoboka abagizweho ingaruka na Coronavirus

Yanditswe na Twarabanye Venuste
Kuya 27 Mata 2020 saa 07:30
Yasuwe :
0 0

KCB Bank Rwanda PLC yatanze inkunga ya miliyoni 100 z’amafaranga y’u Rwanda, yo gufasha mu mibereho y’abagizweho ingaruka na Covid-19.

Iyo Banki yatangaje ko inkunga yayo izanyuzwa mu kigega cyo gufasha abanyarwanda muri ibi bihe bya Covid-19 kiri muri Minisiteri y’Imari n’Igenamigambi COVID-19.

Umuyobozi wa KCB, George Odhiambo, yavuze muri rusange Isi yose iri mu bihe bikomeye ariko abantu bagomba kwishyira hamwe bagatanga ubufasha ku babukeneye cyane kurusha abandi.

Ati “Twese turi muri bimwe mu bihe bikomeye mu mateka y’Isi. Tugomba kwishyira hamwe kurusha uko byari bisanzwe, tugatanga ubufasha ku babukeneye byihutirwa.”

Odhiambo avuga ko nubwo icyorezo gikomeje gukwirakiwira ku Isi, bashima Guverinoma y’u Rwanda, ku ngamba zitandukanye zigamije kugikumira bityo aho bishoboka izo mbaraga zigomba kunganirwa.

Ati “Nubwo icyo cyorezo gikomeje gukwirakwira, twabonye umuhate wa Guverinoma, by’umwihariko abakora mu nzego z’ubuzima bakora ibishoboka byose ngo ingamba zose zifatwe ku bw’umutekano wacu. Natwe nka KCB hari ubufasha bwacu ku muryango nyarwanda. Aya mafaranga ni ayo gushyigikira imbaraga z’u Rwanda, mu kurandura Covid-19.”

KCB Bank Rwanda PLC iri gutanga n’ibisubizo bitandukanye ku bakiliya bayo bagizweho ingaruka na Covid-19. Muri byo harimo gusonerwa kwishyura umwenda w’inguzanyo mu mezi atatu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .