{Abantu 18 baguye mu myigaragambyo yakurikiye iraswa ry’umwe mu barimo bizihiza ihirikwa ry'uwahoze ayoboye Misiri, Hosni Moubarak ku wa Gatandatu.}

Leta ya Misiri yatangaje ko muri iyo myigaragambyo yabereye mu murwa mukuru Cairo no mu majyaruguru y’umujyi w’Alexandrie haguyeo abapolisi batatu abandi bantu 80 bagakomereka.

Iyi myigaragambyo yari ikurikiye iraswa rya Shaimaa al-Sabbagh w’imyaka 23,mu murwa mukuru Cairo, ubwo we na bagenzi be bo mu ishyaka ry’Aba-socialistes, bari mu rugendo rwo kwibuka ihirikwa rya Hosni Moubarak wayoboye Misiri igihe kirekire.

BBC yatangaje ko iri shyaka rishinja polisi y’igihugu cya Misiri kurasa Sabbagh ku bushake.

Abantu 400 ni bo bamaze gutabwa muri yombi kuva ubushinjacyaha bwatangira iperereza ku rupfu rw’uwo musore.

Urwo rugendo rwari rubaye ku ncuro ya kane kuva Hosni Moubarak yahirikwa ku butegetsi mu mwaka w’2011.

Mu mwaka ushize imvururu zishamikiye ku rugendo nk’urwo na bwo zaguyemo abantu benshi.

Igihugu cya Misiri kiyobowe na Abdel Fattah al-Sisi, kiracyari mu cyuho cya politiki kuva ubwo Perezida Mohammed Morsi wari waratowe n’abaturage ahirikiwe ku butegetsi mu mwaka w’2013.