00:00:00 IGIHE NETWORK KN KINYARWANDA EN ENGLISH FR FRANCAIS

Uko Knowless na Gahongayire bagiye umugambi wo gukorana indirimbo ihimbaza Imana

Yanditswe na Uwiduhaye Theos
Kuya 18 Kamena 2021 saa 07:56
Yasuwe :
0 0

Butera Knowless yashyize hanze amashusho y’indirimbo yise ‘Asante’ iri kuri album nshya yitwa Inzora, anavuga impamvu Aline Gahongayire ariwe muhanzi wenyine ukora indirimbo zihimbaza Imana yifuje bayikorana.

Iyi ndirimbo ya Butera Knowless na Aline Gahongayire bise ‘Asante’ cyangwa ‘urakoze’ mu rurimi rw’Ikinyarwanda yiganjemo amagambo yo gushimira Imana.

Hari aho baririmba bati “Asante, nciye bugufi Mana. Uko unyitaho Mana ku mbabazi zawe. Reka mvuge nti ntujya utuma nkorwa n’isoni, uhorana nanjye iteka.”

Mu kiganiro Butera Knowless yahaye IGIHE yavuze ko guhimba iyi ndirimbo yabitekereje ashaka kwerekana ko mu bizabaho byose umuntu aba akwiriye gushima Imana.

Ati “Guhimba iyi ndirimbo nabitekereje nshaka kwerekana ko mu bizabaho byose tugomba kubaho dushima. Ntabwo nari gukora ikintu nka kiriya kinini [album] ngo mbure gushima Imana yabinshoboje.”

“Indirimbo njye na Gahongayire twayanditse muri uyu mwaka mu bihe twari turimo gukora album. Indirimbo ya mbere yagombaga kuba ihimbaza Imana kuko niyo ya mbere.”

Yavuze ko igitekerezo cyo gukora iyi ndirimbo cyari kimaze igihe kandi yaba we, umugabo we Ishimwe Clément ndetse na Aline Gahongayire bose bifuzaga ko ibaho.

Ati “Igitekerezo ni icya twese kuko twari tubifitemo gahunda. Ari njye, Clément na Gahongayire twari tubifitemo gahunda. Numvaga byanga bikunze kuri album hagomba kuba hariho indirimbo ihimbaza Imana hanyuma na Aline Gahongayire twari dufitanye gahunda yo gukora kuva kera. Ntabwo ariwe nzi gusa ariko kuri iyi nshuro niwe nifuje yaba ari kuri album yanjye.”

Ku wa 14 Kamena nibwo Butera Knowless yashyize ku isoko Album ye ya gatanu yise ‘Inzora’, iriho indirimbo 11.

Iriho indirimbo zirimo ‘Uwo uzakunda’, ‘Akantu’ yakoranye na Social Mula, ‘Up’ yakoranye na Navio na ‘Bado’ yahuriyemo na Ykee Benda bo muri Uganda, ‘Nahise mbimenya’ ye na King James, ‘Confuser’ Platini P, ‘Muzabonana’ na ‘Ikofi’ yahuriyemo Nel Ngabo, Platini P, Igor Mabano na Tom Close.

Aline Gahongayire niwe Knowless yahisemo ngo bakorane kubera ko bari bamaze igihe kinini bafite umugambi wo gukora indirimbo ihimbaza Imana
Butera Knowless na Aline Gahongayire bahuriye mu ndirimbo yo guhimbaza Imana yitwa Asante
Butera yasohoye amashusho ya mbere y'indirimbo iri kuri album aheruka gushyira hanze yise 'Inzora'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .