00:00:00 IGIHE NETWORK KN KINYARWANDA EN ENGLISH FR FRANCAIS

Platini, Bwiza, Davis D na Madebeats mu bahaye Noheli abakunzi b’umuziki

Yanditswe na Mahoro Vainqueur
Kuya 25 Ukuboza 2022 saa 10:16
Yasuwe :

Mu gihe Isi yose iri kwizihiza umunsi mukuru wa Noheli, abahanzi banyuranye bakoze iyo bwabaga ngo bashimishe abakunzi babo kuri uyu munsi abemera Yezu/Yesu baba bizihiza ivuka rye.

Nk’uko bisanzwe buri mpera z’icyumweru IGIHE ikora urutonde rugizwe n’indirimbo nshya z’abahanzi nyarwanda zafasha buri wese kunogerwa n’impera z’icyumweru.

Mu bahanzi basohoye indirimbo nshya harimo; Bwiza, Jowest, Platini P, Bruce The 1st , Papa Cyangwe , Davis D, Madebeats n’abandi.

Umwaka by Madebeats ft Mike Kayihura, Mistaek &Okkama

Madebeats usigaye atuye mu Bwongereza yasohoye indirimbo yise ‘Umwaka’ yahurijemo abahanzi Mike Kayihura, Mistaek na Okkama.

Ni indirimbo yo kwizihiza umwaka mushya muhire yumvikanamo agace gato cyane k’indirimbo ‘Bonne anne’ ya Orchestre Impala ariko gakoze mu buryo bwihariye.

‘Mbega Byiza’- Platini P

Muri iki cyumweru umuhanzi Platini P yamurikiye abakunzi be imwe mu ndirimbo zigize E.P (Extended Play) ye ya mbere yise ‘Baba’ .

Iyi ndirimbo ‘Mbega byiza’ amajwi yayo yatunganyijwe na Element amashusho yayo yakozwe na Omario, yumvikanamo amajwi ya Linda montez, Element,Platini P na Peace Jolis.

‘Amano’- Bwiza

Muri iki cyumweru umuhanzikazi Bwiza ubarizwa muri Kikac Music yikojeje mu nganzo akora indirimbo ikozwe mu njyana y’amapiano yise Amano.

Iyi ndirimbo amajwi yayo yatunganyijwe na Santana Sauce ukorera muri Studio ya Hi 5 ndetse na Bob Pro.

‘Kumihanda’ ya BruceThe 1st na Juno Kizigenza

Umuraperi Bruce The 1St yamurikiye abakunzi be Extended Play (EP) ye ya mbere yise “Sad Boys” nyuma yo gukorwa ku mutima n’ubuzima bubi abana bo ku muhanda banyuramo.

Ni E.P yahurijeho abahanzi batandukanye barimo; Kenny K Shot, Kivumbi King, Riderman na Juno Kizigenza.

Indirimbo zumvikana kuri iyi ndirimbo zakozwe n’aba producer batandukanye barimo; Kina Beat, Bob Pro, Zed Pro , Bailey99beats na Logic Hit it.

‘Isaha’ - Vestine & Dorcas

Abanzikazi Vestine & Dorcas mbere y’uko bakora igitaramo cyo kumurika album yabo ya mbere bise ‘Nahawe Ijambo’ babanje guha abakunzi babo indirimbo bise ‘Isaha’.

Iyi ndirimbo yanditswe na Danny Mutabazi na Murindahabi Irene, amajwi yayo yatunganyijwe na Santana Sauce , mu gihe amashusho yayo yatunganyijwe na Chris Eazy.

‘Saye’ – Jowest

Umuhanzi Jowest uri muhanzi bari kuzamuka neza muri muzika nyarwanda yahaye abakunzi be Noheli , abaheraza indirimbo yise ‘Saye’ igaruka ku musore wiyeguriye umukunzi we.

Iyi ndirimbo yatunganyijwe na Producer Loader afatanyije na The Winner mu gihe amashusho yayo yakozwe na Fayzo pro afatanyije na Handsome , Dir Sanib, Ten lee na Password.

‘Yale Yale’ – Papa Cyangwe na Double Jay

Muri iki cyumweru umuraperi Papa Cyangwe yahuje imbaraga na Double Jay umwe mu bahanzi bakunzwe i Burundi bakorana indirimbo iri mu njyana zigezweho y’amapiano.

Amajwi y’iyi ndirimbo yatunganyijwe na X On The Beat mu gihe amashusho yayo yatunganyijwe na BB Films.

‘Rata’- Yago

Nyarwaya Yago nyuma y’ukwezi kumwe amurikiye abakunzi b’umuziki nyarwanda indirimbo ye ya mbere ‘Suwejo’ yakiriwe neza n’abanyarwanda yagarukanye iyo yise ‘Rata’.

Iyi ndirimbo yakozwe na The Mejor mu buryo bw’amajwi mu gihe amashusho yayo yatunganyijwe na Jolin Elarts.

‘Uzanyibutse’- John B. Singleton

John B. Singleton umuhanzi mushya mu ishami rya Kina Music rikorera muri Amerika yamurikiye abakunzi b’umuziki nyarwanda indirimbo yise ‘Uzanyibutse’.

Iyi ndirimbo yakozwe na Ishimwe Clément Ishimwe n’aho amashusho atunganwa na Cedric.

‘Peace of mind’- Shemi

Shema Mico Gibril winjiranye mu muziki izina rya Shemi yakoze mu nganzo akora indirimbo yise ‘Peace of Mind’.

Amajwi y’iyi ndirimbo yatunganyijwe na Romiyo na huybbie mu gihe amashusho yayo yatunganyijwe n’abarimo Chico berry na Painyed Blvck.

Uyu muhanzi mbere y’uko akora indirimbo ye ya mbere yagiye yumvikana ku zindi ndirimbo yahuriyemo na Logan Joe na Maestro Boomin.

‘Mpamagara’ - Pizzo John na Davis D

Muri iki cyumweru Davis D yahuje imbaraga na Pizzo John umuhazi w’i Burundi ukorera umuziki we ku mugabane w’i Burayi.

Iyi ndirimbo bise ‘Mpamagara’ amajwi yayo yakozwe na Crazy Mix mugihe amashusho yayo yatunganyijwe na Bagenzi Bernard.

‘John Blaize’ – Forever

Nyuma y’ukwezi kumwe John Blaize amurikiye abakunzi b’umuziki nyarwanda indirimbo yise ‘Amazi’ , yagarukanye iyo yise ‘Forever’ igaruka ku musore wishimiye umukobwa bakundana akaba yifuza kumugumana iteka ryose.

Iyi ndirimbo ni imwe mu zigize album yise ‘Love Experience’ yakorewe muri 250 Entertainment.

‘Aho ntabona’ – Auddy Kelly

Audy Kelly ukorera umuziki mu gihugu cya Suède muri iki gihe, nyuma y’igihe atagaragara mu muziki yagarukanye album yise ‘Aho ntabona’.

Uyu muhanzi yahaye abakunzi be indirimbo yitiriye iyi album, avuga ko ari yo yatuye Imana ibasha kumugeza aho we atatekerezaga kugera.

Iyi ni album ya Gatatu uyu muhanzi agiye gushyira hanze, nyuma ya ‘Ndakwitegereza’ na ‘Nkoraho Mana’.

‘My Judy’ ya Musbe na Judy

Muri iki cyumweru Judith Niyonizera yatunguye benshi agaragara mu ndirimbo yitwa ‘My Judy’ yakoranye na Musbe Black.

Iyi ndirimbo igaruka ku musore n’umukobwa baryohewe n’urukundo , amajwi yayo yatunganyijwe na Dolla Game mu gihe amashusho yayo yakozwe na Sykologist.

‘Imirabyo’- Theo Bose Babireba

Muri iki cyumweru Theo Bose babireba yahaye abakunda ibihangano bye indirimbo yise ‘Imirabyo’ igaruka ku bihe aherutse kunyuramo mu minsi ishize ubwo hari abamufotoye ameze nkuwaciye intege na kamanyina.

‘Merry Christmas’ - Gustave Fuel

Gustave Fuel yahaye abakunzi b’umuziki indirimbo ya Noheli yise ‘Merry Christmas’ yatunganyijwe na Producer Sibon.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .