00:00:00 IGIHE NETWORK KN KINYARWANDA EN ENGLISH FR FRANCAIS

Davido yasubitse ibitaramo yari afite muri Amerika kubera urupfu rw’umuhungu we

Yanditswe na Mahoro Vainqueur
Kuya 10 Ugushyingo 2022 saa 10:27
Yasuwe :

Kubera ibibazo by’umuryango, umuhanzi David Adedeji Adeleke yasubitse ibikorwa by’iserukiramuco yise ‘Are We Africans Yet (A.W.A.Y)’ yari afite muri Atlanta muri Leta Zunze Ubumwe za Amerika ku wa 18 Ugushyingo 2022.

Ibi byatangajwe n’abashinzwe ibikorwa by’uyu muhanzi, bavuga ko akeneye umwanya uhagije wo kuba ari kumwe n’umuryango we muri ibi bihe bigoye nyuma y’urupfu rw’umuhugu we w’imyaka itatu, Ifeanyi Adeleke.

Mu itangazo bashyize ahagaragara banditse bagira bati, “Twakoze byinshi byari bikomeye ariko umwanzuro wo gusubika iserukiramuco rya ‘Are We Africans Yet ? (A.W.A.Y)’ ni ibintu bikenewe cyane.”

Bakomeje bagira bati “Muri iki gihe Davido akeneye umwanya uhagije amarana n’abo akunda ndetse n’umuryango we.”

Iri serukiramuco ryimuriwe ku wa Gatandatu wa tariki 18 Ugushyingo 2023, abaguze amatike basabwe kwihanganira impinduka, bizezwa ko ayo baguze azahabwa agaciro umwaka utaha.

Iri serukiramuco ryari kuzabera mu nyubako ya State Farm Arena yakira abantu basaga ibihumbi 20 iri mu mujyi wa Atlanta muri leta ya Georgia.

Bamwe mu bahanzi bazaririmba muri iri serukiramuco barimo; Mayorkun, Stonebwoy, BNXN, Kizz Daniel, Pheelz, Lojay, n’abandi.

Uretse iri serukiramuco , uruganda rwa PUMA rwahagaritse imurikwa ry’ibicuruzwa byayo byamazwa na Davido binyuze mu cyitwa ‘We Rise by Lifting Others’.

Davido yatangiye ukwezi k’Ugushyingo ari mu byago byo kubura umwana w’umuhungu waguye muri piscine iri mu rugo rw’uyu muhanzi i Lagos muri Nigeria.

Hashize icyumweru Davido nta gikorwa gishya agaragaraza ku mbuga nkoranyambaga zitandukanye akoresha nyuma y’urupfu rw’umuhungu we yabyaranye na Chioma Rowland.

Davido wapfushije umwana yahagaritse ibitaramo yari afite muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .