00:00:00 IGIHE NETWORK KN KINYARWANDA EN ENGLISH FR FRANCAIS

Nyamirambo kuri Tapis Rouge na Rugende hiyongereye mu hazabera ibitaramo bya CHOGM

Yanditswe na Nsengiyumva Emmy
Kuya 18 June 2022 saa 08:44
Yasuwe :

I Nyamirambo ahazwi nko kuri Tapis Rouge n’i Rugende ahazwi nka Rugende Park hiyongereye mu hazataramirwa n’abahanzi bazaba bizihiwe no gususurutsa abanya-Kigali ndetse n’abashyitsi bazaba bitabiriye inama ya CHOGM.

Aha hantu ’site’ habiri hazabera ibitaramo bine, buri hamwe hazabera bibiri mu matariki ya 24 na 26 Kamena 2022.

Ibi bitaramo byiswe People’s Concert, bitangajwe nyuma y’ibindi byiswe Kigali People’s Festival bizajya bibera muri Car Free Zone ya Gisimenti n’iyo mu Biryogo.

Ibi bitaramo byo kuri Tapis Rouge i Nyamirambo na Rugende Park byitezwe ko bizahuza abahanzi nka; Riderman, Butera Knowless, Juno Kizigenza, Ariel Wayz, Bushali, Niyo Bosco, Kenny Sol, Okkama, Fireman, Mani Martin, Intore Tuyisenge n’abandi.

Uretse aba bahanzi hazaba harimo kandi n’aba DJs bakomeye nka; DJ Brianne, DJ Bisoso, DJ Ira na DJ Marnaud mu gihe abifuza kwitabira ibi bitaramo bo kwinjira bizaba ari ubuntu.

Ibi bitaramo byose kimwe n’ibindi bikomeje gutegurwa bitaratangwaho amakuru, byitezweho gususurutsa abanya-Kigali ndetse n’abazitabira inama ya CHOGM igiye kubera mu Rwanda kuva ku wa 20 Kamena 2022 irangire ku wa 26 Kamena 2022.

Iyi foto yafatiwe i Rugende mu 2016 ubwo Wizkid yahataramiraga ari nabwo haherukaga kubera igitaramo gikomeye, mu gihe i Nyamirambo kuri Tapis Rouge naho haheruka igitaramo gikomeye mu 2016 ubwo haberaga icya Primus Guma Guma Super Star imaze imyaka ine yarahagaze
Abahanzi 19 bahawe akazi ko gususurutsa ab'i Kigali bazasohokera i Nyamirambo kuri Tapis Rouge ndetse n'i Rugende

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .