Sadate yagereranyije urugendo rwe muri Rayon Sports n’urwa Musa wabonesheje amaso Kanani ntayigeremo

Yanditswe na Eric Tony Ukurikiyimfura
Kuya 22 Nzeri 2020 saa 07:17
Yasuwe :
0 0

Uwari Umuyobozi wa Rayon Sports, Munyakazi Sadate, yasezeye ku bakunzi bayo nyuma yo guhagarikwa n’Urwego rw’Igihugu rw’Imiyoborere, RGB, avuga ko atabashije kugeza abafana ba Rayon Sports ku byo yabasezeranyije nk’uko byagendekeye Musa uvugwa muri Bibiliya.

Kuri uyu wa Kabiri nibwo Urwego rw’Igihugu rw’Imiyoborere (RGB) rwatangaje ko rwakuyeho Komite Nyobozi y’Umuryango Rayon Sports, yari iyobowe na Munyakazi Sadate kuko yananiwe kuzuza inshingano yahawe.

Abinyujije ku mbuga nkoranyambaga ze, Munyakazi Sadate yashimiye abo babanye muri Rayon Sports, avuga ko atabashije kubageza ku byo yabasezeranyije nk’uko byagendeye Musa uvugwa muri Bibiliya, aho yayoboye Abisiraheli abavanye mu Misiri, ariko ntiyabageza mu gihugu cy’isezerano cya Kanani.

Ati “Mfashe uyu mwanya nshimira abo twabanye mu rugendo rwo kubaka Rayon Sports y’umwuga kandi ikorera mu mucyo, ntabwo byoroshye ariko byari bikwiriye.”

“Icyo nsabye umukunzi wa Rayon wese ni uguharanira ubumwe bwacu kandi tukazashyigikira ubuyobozi bushya kugira ngo bwuse ikivi cyatangiwe. Moïse (Musa) yambukije aba Israël Inyanja Itukura ariko ntiyageze mu gihugu cy’isezerano gusa yakirebesheje amaso ye, ibyiza biri imbere. Buri munsi Rayon Sports.”

Munyakazi Sadate yari amezi 13 ari umuyobozi wa Rayon Sports, ni nyuma yo gutorwa ku wa 14 Nyakanga 2019.

Indi nkuru wasoma: Ivumburamatsiko: Munyakazi Sadate mu mwaka umwe ku buyobozi bwa Rayon Sports

Munyakazi Sadate yasezeye ku bakunzi ba Rayon Sports nyuma y'amezi 13 yari amaze ayobora iyi kipe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .