Umwanzuro ku ifungwa n’ifungurwa ry’agateganyo wasomwe ku gicamunsi cyo kuri uyu wa Gatatu nk’uko byari byatangajwe mu iburanisha ribanza ku wa Mbere w’iki cyumweru.

Aba basirikare bakurikiranyweho ibyaha birimo icyo gushyiraho umutwe w’abagizi ba nabi no kuwujyamo, gukoresha undi imibonano mpuzabitsina ku gahato, gukubita no gukomeretsa ku bushake, kwinjira aho umuntu atuye mu buryo butemewe n’amategeko, kwiba no guta izamu no kudakurikiza amabwiriza y’izamu.

Urukiko rwavuze usibye icyaha cyo gushyiraho umutwe w’abagizi ba nabi no kuwujyamo; ibindi byose bifite impamvu zikomeye zituma bakurikiranwa bafunzwe.

Aba basirikare bari mu Rukiko ubwo uyu mwanzuro wasomwaga mu mpuzankano ya gisirikare mu gihe umusivile we yari yambaye imyambaro igaragaza imfungwa za gisirikare.

Mu iburanisha riheruka, bose bireguye bahakana ibyaha byose bashinjwa, bamwe bavuga ko aribwo bari bakirangiza amasomo ya gisirikare ku buryo n’aho byakorewe batahazi.

Kanda hano usome inkuru igaragaza uko iburanisha riheruka ryagenze
Ibyaha aba basirikare bashinjwa n’uburyo babikoze

Uko aba basirikare bireguye

Aba basirikare bashinjwa gukoresha imibonano mpuzabitsina ku gahato abakobwa n'abagore bo mu Murenge wa Remera

Bose urukiko rwanzuye ko baba bafunzwe mu gihe cy'iminsi 30 y'agateganyo