00:00:00 IGIHE NETWORK KN KINYARWANDA EN ENGLISH FR FRANCAIS

Korohereza ishoramari ntibizacibwa intege na Raporo ya “Doing Business”- RDB

Yanditswe na

IGIHE

Kuya 3 Ugushyingo 2014 saa 12:34
Yasuwe :
0 0

Banki y’Isi iherutse gusohora raporo ya “Doing Business” ya 2015 yashyize u Rwanda ku mwanya watunguranye kandi ntiwishimirwa na busa, ibintu ngo byakozwe hagendewe kuri “methodology” nshya. Iyi raporo yashyize u Rwanda ku mwanya wa 46 mu rwego rw’isi mu korohereza ishoramari.
N’ubwo ibyavuye muri iyi raporo bitazahungabanya cyangwa ngo bigire ingaruka iyo ari yo yose ku mbaraga zidahwema gushyirwa muri gahunda zo korohereza ishoramari, ngo Leta y’u Rwanda iri mu biganiro na Banki y’Isi, ahagomba (...)

Banki y’Isi iherutse gusohora raporo ya “Doing Business” ya 2015 yashyize u Rwanda ku mwanya watunguranye kandi ntiwishimirwa na busa, ibintu ngo byakozwe hagendewe kuri “methodology” nshya. Iyi raporo yashyize u Rwanda ku mwanya wa 46 mu rwego rw’isi mu korohereza ishoramari.

N’ubwo ibyavuye muri iyi raporo bitazahungabanya cyangwa ngo bigire ingaruka iyo ari yo yose ku mbaraga zidahwema gushyirwa muri gahunda zo korohereza ishoramari, ngo Leta y’u Rwanda iri mu biganiro na Banki y’Isi, ahagomba kurebwa neza icyagendeweho hakorwa iyi raporo.

Mu kiganiro na Newtimes, Umuyobozi w’Ikigo cy’Igihugu cy’Iterambere Francis Gatare yavuze ko hari byinshi byakozwe mu gukomeza korohereza abashoramari, dore ko ibi ari bimwe mu bituma ubukungu bw’igihugu buzamuka mu buryo bidashidikanywaho. Gusa ngo uburyo (methodology) bushya Banki y’Isi yakoresheje muri raporo yayo iheruka bwaratunguranye cyane.

Francis Gatare uyobora RDB

Iyi raporo igaragaza ko u Rwanda rwasubiye inyuma ho imyanya igera kuri 14 kuko raporo y’uyu mwaka wa 2014 yari yarushyize ku mwanya wa 32 ku isi mu korohereza ishoramari. Raporo ya Doing Business ya 2015 kandi yakuye u Rwanda ku mwanya wa 8 irushyira ku wa 112 mu gutangira ubucuruzi.

Francis Gatare avuga ko igikomeye cyabayeho mu itegurwa ry’iri raporo ari uko ibihugu biyivugwamo bitigeze bibwirwa mbere iby’impinduka zashyizwe mu bigenderwaho ibihugu bihabwa imyanya. Gusa ngo u Rwanda ruri kuvugana na Banki y’Isi ngo hasobanukirwe neza iby’iyi myanya idasobanutse rwashyizweho.

Iyi raporo ntizasubiza inyuma gahunda zo guteza imbere ishoramari mu Rwanda

Iyi raporo nk’uko byemezwa na Francis Gatare ntizahungabanya gahunda zo korohereza abashoramari; kwandikisha ubucuruzi bizakomeza gukorwa mu gihe kitarenze amasaha atandatu ndetse bigere hasi yayo, mu gihe birenze igihe giteganywa, umukozi ubishinzwe azajya akurikiranwa.

Gatare yaboneye kubeshyuza amakuru y’uko abashoramari basabwa kuba batunze utumashini twifashishwa mu kubara imisoro (Eelectronic Billing Machine) mu gihe bandikisha ubucuruzi bwabo, avuga ko ntacyo twaba tugiye kumazwa mu gutangira ubucuruzi kuko dukoreshwa gusa mu gihe cyo gusora.

Umuyobozi wa RDB yemeza ko hagiye gukomeza gushyirwa imbaraga mu korohereza ishoramari kurenza uko impinduka za raporo ya Banki y’Isi zibisaba.

Kanda hano usome uko Leta y’u Rwanda yakiriye isohorwa ry’iyi raporo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .