00:00:00 IGIHE NETWORK KN KINYARWANDA EN ENGLISH FR FRANCAIS

Ishimwe ry’abahize abandi muri UNILAK bahembwe na Cogebanque

Yanditswe na Mukahirwa Diane
Kuya 24 July 2022 saa 10:55
Yasuwe :

Abanyeshuri bahize abandi muri Kaminuza y’Abalayiki b’Abadiventisiti b’Umunsi wa Karindwi, UNILAK, bashimye Banki Nyarwanda y’Ubucuruzi, Cogebanque yabageneye ibihembo nyuma yo gutsinda neza amasomo.

Aba ni abanyeshuri bane mu 1012 baheruka gusoza amasomo yabo muri UNILAK, bari mu bahize abandi mu gutsinda neza, bakaza mu cyiciro cya mbere (First class).

Cogebanque mu gushimira aba banyeshuri buri wese yamugeneye mudasobwa, muri gahunda yayo yo gushyigikira icyerekezo cya Leta cyo guteza imbere ikoranabuhanga mu nzego zose.

Aba banyeshuri bahembwe bemeza ko iki ari igikorwa cyiza iyi banki yakoze cyo kubatera ingabo mu bitugu ndetse no gutera imbaraga abakiri kwiga bagashyiraho umwete mu masomo.

Ruzindana Théogene warangije Master’s mu Ishami ry’Amategeko Mpuzamahanga, yavuze ko iki ari igikorwa gikomeye iyi banki yakoze kandi ko ari umusanzu yashyize ku burezi.

Yagize ati “Byaranshimishije cyane! Ndashimira iyi banki kuba yaratekereje ikintu nk’iki kuko bishimisha uwarangije akabona ko hari abamuzirikana kandi bikanatera ishyaka abakiri kwiga.”

Yakomeje ati “Iki ni ikintu gikomeye iyi banki iba ikoze mu burezi bw’u Rwanda kandi tuba tubonye ko n’abiga amategeko hari abatuzirikana.”

Ibi abihuje na Ruzindana Eugène warangije Master’s mu Icungamutungo. Uyu yavuze ko iki gikorwa cyamukoze ku mutima kandi ko yiteguye gukorana na Cogebanque.

Yagize ati “Narishimye cyane kuko ibi byongerera imbaraga umuntu bigaragaza ko akazi k’umuntu hari abandi bagashimye. Ndashimira Cogebanque kuba yaratuzirikanye bigaragaza ko hari imbaraga batubonamo nanjye niteguye kuba umufatanyabikorwa wayo.”

Umukozi ushinzwe Itangazamakuru n’Itumanaho muri Cogebanque, Kwizera Carmella, yavuze ko iyi banki ishishikajwe no kugira umusanzu itanga mu burezi ndetse no gushyigikira gahunda ya Leta mu bijyanye n’ikoranabuhanga.

Ati “Cogebanque yahembye mudasobwa abanyeshuri bo muri UNILAK, ni mu rwego rwo gushyigikira icyerekezo cya Leta cyo guteza imbere ikoranabuhanga mu nzego zose. Ni uguteza imbere gahunda yo kuba igicumbi cy’ikoranabuhanga no kuzamura ubumenyi by’umwihariko mu rubyiruko.”

Cogebanque ni imwe mu mabanki afasha Abanyarwanda mu iterambere n’urugamba rwo kubaka igihugu. Kuva yatangira gukorera mu Rwanda imaze kuhagira amashami 28 ayifasha kugeza serivisi ku bayigana. Ifite ATM 36, aba-agents barenga 650 bafasha abayigana gufunguza konti, kubitsa no kubikuza. Inatanga izindi serivisi zirimo izifashisha ikoranabuhanga binyuze muri Internet Banking, Mobile Banking, Ikarita ya Smart cash ndetse n’amakarita ya MasterCard (Debit, Credit na Prepaid) yifashishwa mu kwishyura no kubikuza ahantu harenga miliyoni 36 ku Isi yose.

  Indi nkuru wasoma: Abarenga 1000 barangije amasomo muri UNILAK, basabwa kuba ku isonga mu guhanga imirimo (Amafoto)

Umukozi ushinzwe Itangazamakuru n'Itumanaho muri Cogebanque, Kwizera Carmella (uwa kabiri iburyo), ashyikiriza umwe mu banyeshuri bitwaye neza mudasobwa
Umukozi ushinzwe Imikoranire n’Abakiliya banini muri Cogebanque, Umurerwa Marie Josée (uwa kabiri iburyo), ahemba umunyeshuri witwaye neza mu basoje amasomo muri UNILAK
Aba banyeshuri bahembwe bemeza ko iki ari igikorwa cyiza iyi banki yakoze cyo kubatera ingabo mu bitugu ndetse no gutera imbaraga abakiri kwiga bagashyiraho umwete mu masomo

Amafoto: Igirubuntu Darcy


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .