Tariki ya 10 Werurwe 1945: Umunsi Amerika yasenye igice kinini cy’Umujyi wa Tokyo (Video)

Yanditswe na Cyprien Niyomwungeri
Kuya 28 Mata 2020 saa 05:52
Yasuwe :
0 0

Intambara ya kabiri y’Isi ni imwe muzitazibagirana mu mateka ya muntu, by’umwihariko mu buzima bw’Abayapani kuko bayiboneyemo icyo abanyarwanda bita ’Kugwirwa n’ishyano’.

Habura amezi make ngo iyi ntambara igere ku musozo, Abanyamerika bafatwa nk’abayitsinze, bihanangirije u Buyapani bwari bwaragaragaje imbaraga nyinshi muri iyi ntambara, ariko birangira butsinzwe.

Mu ijoro ryo kuwa 10 Werurwe 1945, ingabo zirwanira mu kirere z’Abanyamerika, zateye igisasu ku Mujyi wa Tokyo mu Buyapani, kikaba ari cyo cya mbere kibi mu mateka ya muntu.

Iki gitero cyiswe ‘Operation Meetinghouse’, cyahitanye Abayapani barenga ibihumbi 100 abandi miliyoni barakomereka, abenshi muri bo bakaba bari abasivili.

Indege zirenga 300 zo mu bwoko bwa Boeing (B-29), zarashe toni 1500 z’ibisasu byatwitse hafi uburasirazuba bwose bwa Tokyo. Abagera kuri miliyoni imwe basigaye iheruheru batagira aho kuba.

Nyuma y’ibi bitero, Umujyi wa Tokyo wasigaranye abaturage hafi miliyoni 3,49; bangana hafi na kimwe cya kabiri cy’abariho mu 1940.

Umuriro waturutse muri ibyo bisasu watwitse ibintu n’abantu ku buryo ivu ryihariye ubuso bugari mu burasirazuba bwa Tokyo.

Umubare w’abapfuye muri iryo joro urenze uw’abishwe n’ibisasu byarashwe i Hiroshima na Nagasaki muri Kanama 1945, kuko icya Hiroshima cyahitanye abantu 70 000 naho icya Nagasaki gihitana 46 000.

Gusa ariko iki gitero ntikijya kivugwa cyangwa ngo mu mujyi wa Tokyo habe harashyizweho urwibutso rwo kuwa 10 Werurwe.

Iki gitero ni cyo cya mbere kinini kandi kibi cyagabwe ku Buyapani ndetse kiba n’icya mbere cyakoresheje amayeri yo kurasa ibisasu by’indege ku butumburuke buri hasi, ari na cyo cyagoye u Buyapani mu bwirinzi.

Abanyamerika bizeraga ko Abayapani batiteguye ayo mayeri kandi bakizera ko ibigega by’ibikomoka kuri peteroli bizabafasha kwangiza byinshi muri Tokyo. Indege zifashishijwe zari zifite ikoranabuhanga rihambaye n’umwihariko kuko ubwirinzi bw’u Buyapani ntacyo bwigeze bufasha.

Reba video usobanukirwe byinshi kuri iki gitero


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .