Ku munsi w’abakundana, Mbabazi yikije kuri Aurore Kayibanda byigeze gukekwa ko batandukanye

Yanditswe na Uwiduhaye Theos
Kuya 15 Gashyantare 2019 saa 11:49
Yasuwe :
0 0

Hashize igihe kinini urugo rwa Aurore Kayibanda na Mbabazi Egide rwarashyize benshi mu rujijo, kuko byigeze kuvugwa ko batandukanye.

Iyi nkuru yaciye igikuba hagati y’aba bombi yacicikanye ku mbuga nkoranyambaga zo mu Rwanda no mu binyamakuru guhera ku wa 8 Ukuboza 2018.

Yazamuwe n’uburyo Aurore yari yasibye konti ye ya Instagram na Egide agasiba amafoto amwe bari bahuriyeho akanasigara nta muntu n’umwe akurikira kuko yakurikiraga umukunzi we gusa.

Nyuma y’igihe cy’ukwezi Aurore atari ku mbuga nkoranyambaga, yagarutseho ku wa 31 Mutarama ahita yongera gukurikira umugabo we ariko hashize iminsi mike arongera aburirwa irengero kuri uru rubuga.

Ku munsi w’abakundana wari uwo kugaragarizanya urukundo ku bakundana. Egide yafashe iya mbere yongera kwerekana ko agifite ku mutima Aurore Kayibanda ashyira ku rukuta rwe rwa Instagram ifoto y’uyu mukobwa wabaye Nyampinga w’u Rwanda mu 2012.

Mutesi Aurore Kayibanda na Egide Mbabazi bamaze imyaka isaga ine bakundana. Ku wa 1 Werurwe 2018 nibwo hasakajwe amafoto y’uko Mbabazi yamwambitse impeta y’urukundo ndetse muri Nyakanga bahamya urukundo rwabo bahana isezerano imbere y’amategeko.

Uretse Mbabazi Egide n’abandi b’ibyamamare mu Rwanda bagiye bagaragaza amarangamutima mu buryo butandukanye bereka abakunzi babo ko babakunda byimazeyo.

Indi nkuru wasoma: http://igihe.com/amakuru/u-rwanda/article/miss-mutesi-aurore-na-mbabazi-egide-baciye-amarenga-y-urukundo-ruzira-amakemwa
Indi mitoma y’ibyamamare bitandukanye ku munsi w’abakudana

Egide yashyize ifoto ya Aurore ku rukuta rwe rwa Instagram aca amarenga y'uko baba bakiri kumwe
Egide yagaragaje ifoto ya Aurore ku rukuta rwe ku munsi w'abakundana
Bahati Grace yabwiye umukunzi we ko yamwihebeye
Balbine yongera kwibutsa umukunzi we ko yamwihebeye
Imitoma ya Tom Close ku mugore we
Meddy nawe yagaragaje amashusho ari kumwe na Mimi bishimiye umunsi w'abakundana
Miss Akacu Lynca yabwiye umukunzi we ko yamwihebeye
Nkusi Arthur wamamaye nka Rutura nawe yaciye amarenga y'umukobwa bakundana
Safi Madiba yabwiye umugore we uburyo yamutwaye umutima

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza