Itorero Inyamibwa ryizihije isabukuru y’imyaka 16 rimaze

Yanditswe na

Dean Irak

Kuya 11 Werurwe 2014 saa 07:08
Yasuwe :
0 0

Byari ibyishimo n’akanyamuneza, mu mbyino z’urusobe rw’amajwi y’urwunge mu birori byo kwizihiza isabukuru y’imyaka 16 itorero Inyamibwa rimaze rivutse. Ibi birori byabereye muri Hotel yitwa le Petit Prince ku i Taba ho muri Huye, ku wa Gatandatu tariki ya 08 Werurwe.
Iri torero risanzwe rikorera mu cyahoze ari Kaminuza Nkuru y’u Rwanda, ni rimwe mu matorero akunzwe mu Ntara y’Amajyepfo, rikaba ribyinwamo n’urubyiruko rwiga muri iyi Kaminuza.
Muri ibi birori iri torero ryasusurukije abakunzi babo (...)

Byari ibyishimo n’akanyamuneza, mu mbyino z’urusobe rw’amajwi y’urwunge mu birori byo kwizihiza isabukuru y’imyaka 16 itorero Inyamibwa rimaze rivutse. Ibi birori byabereye muri Hotel yitwa le Petit Prince ku i Taba ho muri Huye, ku wa Gatandatu tariki ya 08 Werurwe.

Itorero Inyamibwa ryashinzwe rigamije kuvana mu bwigunge abanyeshuri barokotse Jenoside binyuze mu mbino n'umuco, aha hari mu gitaramo cyo kwizihiza isabukuru y'imyaka 16 rimaze rishinzwe.

Iri torero risanzwe rikorera mu cyahoze ari Kaminuza Nkuru y’u Rwanda, ni rimwe mu matorero akunzwe mu Ntara y’Amajyepfo, rikaba ribyinwamo n’urubyiruko rwiga muri iyi Kaminuza.

Muri ibi birori iri torero ryasusurukije abakunzi babo mu mbyino zinogeye ijisho. Ibi birori byari byitabiriwe n’abantu b’ingeri zose barimo abayobozi mu nzego za Leta, abahagarariye ubuyobozi bw’umuryango w’abanyeshuri barokotse Jenocide ishami rya Huye no ku rwego rw’igihugu, abahagarariye amatorero ndangamuco abarizwa mu Rwanda, ababyinnye muri iri torero mu myaka yatambutse n’abandi batandukanye.

Aha abagize iri torero baboneyeho umwanya wo kwerekana abayobozi bashya batorewe kuriyobora muri uyu mwaka mushya.

Umuyobozi mushya w’itoorero Inyamibwa Hategekimana Albert wanahawe inshingano ze uwo munsi imbere y’imbaga, yavuze ko mu myaka 16 iri torero rimaze rivutse rimaze gutera intambwe ishimishije haba mu gusigasira umuco no gususurutsa umuryango nyarwanda kandi rimaze no guha abaririmo ubukungu kuko babyina bakabona amafaranga cyane ko kubyaza umuco wacu amafaranga biri mu ntego eshatu z’inyamibwa.

Umuyobozi wungirije w’akarere ka Huye ushinzwe ubukungu Mutwarasibo Cyprien yashimiye abagize itorero Inyamibwa uruhare rwabo mu guhesha Akarere ka Huye ishema n’igihugu cyose muri rusange biciye mu bikorwa byabo byubakiye ku muco karande kacu k’abanyarwanda.

Yasoje ashimira abyeyi bemerera abana bakaza kwitoreza mu Nyamibwa yongeraho ati: “Umusanzu wanyu babyeyi ni umusingi w’ejo heza h’u Rwanda.”

Ibi birori byasojwe n’ubusabane no gusangira amafunguro ku bari bitabiriye iki gitaramo.

Kugeza ubu abagize itorero inyamibwa barenga 180. Mu kurushaho guteza imbere umuco Nyarwanda, Inyamibwa batangiye gutoza kubyina abanyeshuri bo mu Rwunge rw’Amashuri rwa Butare (GOB) ndetse na College Immaculee de Conception riherereye i Save ndetse banashyiraho icyiciro cy’abana bato batozwa kubyina bitwa “Uruhongore”. Hanatangijwe kandi irindi torero ry’Inyamibwa rikorera mu mujyi wa Kigali.

Habayeho kwishimana, kuganira no gusabana ku bari bitabiriye ibi birori ngaruka-mwaka.
Abitabiriye iki gitaramo bose babanzaga guca ku gitambaro cy'umutuku (Red Carpet) mu rwego rwo kubaha icyubahiro.
Hatanzwe urupapuro rw'ishimwe ku baherka kurangiza muri Kaminuza Nkuru y'u Rwanda babyinaga mu itorero Inyamibwa.
Ibyo kurya n'ibyo kunywa byari munange muri iyi sabukuru y'Inyamibwa.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza