00:00:00 IGIHE NETWORK KN KINYARWANDA EN ENGLISH FR FRANCAIS

Ibitabo bisaga ijana by’Abanyarwanda bimaze kugurwa muri CHOGM

Yanditswe na IGIHE
Kuya 24 June 2022 saa 01:26
Yasuwe :

Urugaga rw’Abanditsi mu Rwanda, rwatangaje ko rukomeje kubyaza umusaruro inama y’abakuru b’ibihugu na za Guverinoma bigize Commonwealth (CHOGM) iri kubera i Kigali.

Guhera tariki 20 Kamena uyu mwaka, uru rugaga rwatangaje ko ibitabo bisaga ijana by’abanditsi b’Abanyarwanda bimaze kugurishwa binyuze mu bibanza byo kumurika byateguwe hirya no hino muri Kigali.

Umuyobozi w’urwo rugaga, Hakizimana Richard, yavuze ko abasaga 350 bamaze gusura ahamurikirwa ibitabo by’Abanyarwanda kandi ko bizeye ko bizakomeza muri izi mpera z’icyumweru.

Ati “Turashimira cyane Leta y’u Rwanda by’umwihariko ku bw’amahirwe akomeye yahaye abanditsi b’u Rwanda kuko inama ya CHOGM yagiriye umumaro Urugaga rw’Abanditsi mu Rwanda, hanabonetsemo abafatanyabikorwa.”

Iyi nama ngo isigaye amasomo atandukanye abanditsi b’u Rwanda arimo kwandika ibitabo mu ndimi zinyuranye, gushishikariza Abanyarwanda kugura ibitabo no gusaba abakuru gukundisha abana gusoma.

Hategekimana yavuze ko bagiye gushaka uburyo bashishikariza abanditsi b’u Rwanda kwandika ibitabo byinshi kandi bigaruka ku mateka kuko byagaragaye ku bikunzwe cyane.

Ubwoko bw’ibitabo urugaga rw’abanditsi ruvuga ko bitaboneka cyane ku isoko kandi bikenewe harimo ibivuga ku bukungu, kwihangira imirimo ndetse no guhashya ubukene.

Umuyobozi w'Urugaga rw'Abanditsi mu Rwanda, Hetegekimana Richard yakira umwe mu bitabiriye CHOGM wasuye ahacururizwa ibitabo by'Abanyarwanda
Ibitabo bitandukanye byanditswe n'Abanyarwanda biri kumurikwa
Ahazwi nka Car Free Zone mu Mujyi rwagati hari ahacururizwa ibitabo by'Abanyarwanda, uyu ni umwe mu bari bahasuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .