Amagambo akomeye yavuzwe n’umwanditsi Chimamanda Adichie

Yanditswe na Mukaneza M.Ange
Kuya 5 Gashyantare 2019 saa 08:15
Yasuwe :
0 0

Chimamanda Ngozi Adichie, ni umusizi n’umwanditsi ukomoka muri Nigeria; yamenyekanye kubera ikiganiro yise ‘We Should All Be Feminists’ n’igitabo cyitwa ‘The Americanah’ kigiye gukinwamo film n’abakinnyi bakomeye ku Isi barimo Lupita Nyong’o na Danai Gurira.

Uyu mugore yubatse izina ahanini kubera uburyo inyandiko ze zakunze kugaruka ku ngingo zikomeye zirimo uburinganire n’irondaruhu.

Chimamanda wavukiye muri Leta ya Enugu muri Nigera mu 1977, ari mu birabura bakomoka ku mugabane wa Afurika, bakunze kumvikanisha ijwi ryabo batanga igisobanuro cy’uburyo bumva inyito ‘feminist’ ihabwa abantu bihaye intego yo guharanira uburenganzira bw’abagore.

Amagambo yavuze mu gitabo ‘We Should All Be Feminists’ yanagarutse mu ndirimbo ‘Flawless’ y’umuhanzikazi Beyonce, yashishikarizaga abagore kurushaho kwiyumvamo ubushobozi no kwibonamo ubwiza.

Mu 2018 yaje ku mwanya wa kabiri ku rutonde rw’Abanyafurika 50 bavuga rikumvikana rwakozwe na Forbes rwanajeho Umunyamabanga w’Umuryango w’Ibihugu bivuga Igifaransa, OIF, Louise Mushikiwabo wari ku mwanya wa gatanu.

Twifashishije imbuga zitandukanye zirimo Entity twabakusanyirije amwe mu magambo yavuzwe na Chimamanda binyuze mu bitabo n’ibiganiro bitandukanye yagiye atanga.

-  Bamwe barabaza bati “Kubera iki ijambo ‘Feminist’? kubera iki utavuga ko uri umuntu wemera uburenganzira bwa muntu cyangwa ikindi nk’ibyo?” kubera ko ariko ibi byaba ari uguhishira ukuri.

Nibyo koko guharanira uburenganzira bw’abagore biri mu bigize uburenganzira bwa muntu muri rusange, ariko guhitamo gukoresha amagambo ‘uburenganzira bwa muntu’ ni ukwirengagiza ikibazo cyihariye ku birebana n’igitsina. Byaba ari uburyo bwo gushaka kwerekana ko atari abagore bahejwe mu binyejana byinshi. Byaba ari ukwirengagiza ko ikibazo gishingiye ku mitandukanire y’igitsina cyibasira abagore.

-  Yego rwose si mfite impungenge zo kuba nkanga abagabo. Umugabo uzakangwa nanjye n’ubundi ni wa wundi udashobora kunshishikaza.

-  Tumara umwanya munini twigisha abakobwa guhangayikishwa n’ibyo abahungu babatekerezaho. Ariko ku bandi si ko bigenda. Ntitwigisha abahungu kwita ku birebana n’icyatuma bakundwa.

Dufata umwanya munini tubwira abakobwa ko badakwiye kugira ubukari cyangwa kwihagaragaraho, ibintu bibi cyane kuko duhindukira tukagaragaza ko ntacyo bitwaye kuba abagabo ariko bateye.

Hirya no hino ku Isi hari inyandiko n’ibitabo byereka abagore ibyo bakwiye gukora, uko bakwiye kumera kugira ngo bakurure cyangwa bashimishe abagabo. Nyamara ariko ni bike cyane bishobora kubera abagabo umuyoboro w’uburyo bashimisha abagore.
-  Nahisemo kutazongera gusaba imbabazi kubera kuba umugore no kugira imyitwarire ya kigore. Kandi ndashaka kubahirwa mu bugore bwanjye kuko ndabikwiye.

-  Umugore uri kigero runaka utarashyingirwa, umuryango wacu umwigisha kubibona nko kuba hari ikintu gikomeye mu buzima bwe bwite atabashije kugeraho. Umugabo ariko ugeze imyaka runaka atarashyingirwa, twumva ko ari uko atarabona uwo umutima we wifuza.

-  Twigisha abakobwa kugira isoni duti ‘bumba amaguru yawe, ikwize’. Dutuma biyumvamo ko kuvuka ari abagore bagomba guhora bishinja ikintu runaka. Bituma abakobwa bakura bakavamo abagore badashobora kuvuga ko biyumvamo ikintu runaka. Bavamo abagore badashobora kuvuga icyo batekereza koko. Iki nicyo kintu kibi dukorera abakobwa, bavamo abagore bifitemo impano yo kwigira abo batari bo.

-  Niba udasobanukiwe baza. Niba wumva utewe ipfunwe no kubaza, vuga ko wumva utabasha kubaza ariko byanga bikunze ubaze. Biroroshye kumenya niba ikibazo kivuye mu mwanya mwiza. Ikindi tega amatwi kenshi gashobora, kuko burya abantu benshi icyo baba bakeneye ni ugutegwa amatwi.

-  Akenshi ntekereza ko abantu bakunda kwandika ku bukene, bakwiye kugenda bakamarana umwanya munini n’abakene.
-  Biroroshye kuvuga ubukene uko twishakiye, kubona abakene nk’abantu badafite ubushake bwo kubuvamo. Biroroshye kubambura icyubahiro cya muntu, kubahindura ibintu byo kugirirwa impuhwe. Ntabwo byigeze bisobanuka bitari mu buryo itangazamakuru ryo muri Amerika rigaragaza Afurika, aho twerekwa ubukene n’ubwumvikane buke hatagaragajwe ishusho nyayo.

-  Bitubaho kenshi, kubazanya ibibazo dusanzwe dufitiye ibisubizo. Ahari ni ukugira ngo tutabaza bya bibazo bindi, bya bindi bifite ibisubizo dutinya kumenya.

-  Kuba uri umukobwa, ntibikwiye kuba impamvu yo gukora cyangwa kudakora ikintu runaka.

-  Akenshi nkora ikosa ryo gutekereza ko ibyo mbona nk’ibisanzwe cyangwa bikwiye kuba bizwi, ari nako undi muntu abibona.

Uyu mugore yamenyekanye bitewe n'uburyo avuga ashize amanga aho yibanda ku ngingo zifitanye isano n'uburinganire n'iterambere ry'umugore
Mu 2018 Chimamanda yaje ku mwanya wa kabiri ku rutonde rw'abavuga rikumvikana muri Afurika
Chimamanda ubwo yayoboraga ikiganiro Michelle Obama yamurikiyemo igitabo 'Becoming' mu Bwongereza

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza