Muhizi yabwiye IGIHE ko igitekerezo cyo kwandika igitabo yise ʺUko Twabonye Jenoside Yakorewe Abatutsiʺ cyavuye ku bafite amakuru kuri jenoside kandi banayirokotse, ndetse kikaba kigiye kujya gisohoka buri mwaka.
Aganira na IGIHE yagize ati ʺ Kwandika iki gitabo ni igisubizo cyo gusigasira amateka yacu.ʺ
Akomeza avuga ko iki gitabo kimaze amezi atandatu gikorerwa ubushakashatsi, kikaba gikubiyemo ubuhamya bwinshi bushoboka, ati ʺUmunyarwanda wese washoboye gutanga ubuhamya twarabwakiriye, ariko n’ abandi batabutanze tuzabageraho.ʺ
Uretse abatangabuhamya bavuga uko babonye Jenoside yakorewe abatutsi, Muhizi avuga ko abavutse nyuma yayo n’abazaza bazaganirizwa aya mateka.
Byitezwe ko iki gitabo kizajya gishyirwa ku isoko buri mwaka mbere yo kwibuka abazize Jenoside yakorewe Abatutsi.
TANGA IGITEKEREZO