00:00:00 IGIHE NETWORK KN KINYARWANDA EN ENGLISH FR FRANCAIS

Abatoza ba Karate bo mu Buyapani bashimye uburyo u Rwanda rukomeye ku muco

Yanditswe na Byiringiro Osée Elvis
Kuya 19 September 2022 saa 01:41
Yasuwe :

Abatoza ba Karate bavuye mu Buyapani banejejwe n’umuco Nyarwanda, batangaza ko bishimiye uburyo u Rwanda rusangiye n’u Buyapani gukomera ku muco.

Kuri uyu wa Mbere tariki 19 Nzeri 2022, abatoza batanu bitabiriye amahugurwa yateguwe na JKA (Japan Karate Association) Rwanda, banejejwe no kwigishwa umuco Nyarwanda bahamya ko u Rwanda ari nk’u Buyapani mu gukomera ku muco.

Dr Harano Kazuyoshi umwe mu batoza, yagize ati “Ubwa mbere nasuye ingagi, uyu munsi nashimishijwe no kubona inka muri rusange Inka zo mu Rwanda zitandukanye n’izindi, zifite amahembe meza cyane.”

Yakomeje avuga ko u Buyapani n’u Rwanda ari ibihugu bihuriye ku gukomera ku muco cyane.

Maître Rugeyo Rutinywa wakiriye aba batoza mu rugo rwe akaba n’umunyamuryango wa JKA Rwanda, yavuze ko intego y’iki gikorwa,ari ukubasobanurira umuco Nyarwanda.

Yagize ati “Intego kwari ukubereka umuco wacu bazanywe na karate ariko twashakaga ko bamenya na bimwe mu bigize umuco wacu. Ikindi kandi igihugu cyabo n’icyacu bihuriye ku gukomera ku muco cyane.”

Mbere yo kujya mu ntara y’amajyaruguru, mu karere ka Gicumbi, mu murenge wa Kaniga aho iki gikorwa cyabereye, aba batoza babanje gukoresha ibizamini abakina karate bazahabwa imikandara na Dan nshya.

Abatsinze bazatangazwa kuwa kabiri tariki 20 Nzeri 2022 ubwo aya mahugurwa azasozwa ku mugaragaro.

Aha bigishwaga kubyina Kinyarwanda
Aba batoza bagaragaje akanyamuneza mu ruzinduko barimo mu Rwanda
Bakiriwe n'itorero mu ndirimbo z'umuco Nyarwanda
Dr Harano yanezerewe afata amashusho y'urwibutso
Bizihiwe berekana na bimwe mu bigize umuco w'u Buyapani

Amafoto: Sendegeya Jules


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .