00:00:00 IGIHE NETWORK KN KINYARWANDA EN ENGLISH FR FRANCAIS

OMS yahumurije abatewe inkeke n’indwara ya Monkeypox

Yanditswe na Muyisenge Jean Felix
Kuya 24 May 2022 saa 08:22
Yasuwe :

OMS yatangaje ko indwara ya Monkeypox itaraba icyorezo cyahangayikisha Isi kandi ko atari ngombwa ko abantu bose bayikingiza.

Mu gihe gito gishize hamaze kugaragara ibihugu bitandukanye birimo abaturage bari kwandura iyi ndwara mu buryo bwihuse.

Mu bihugu imaze kugaragaramo harimo u Bwongereza, ibihugu bya Afurika y’Uburengerazuba n’ibya Afurika yo hagati.

Mu kiganiro cya OMS kigamije gutanga ishusho kuri iyi ndwara, umuganga ukuriye ishami rya OMS rishinzwe gukurikirana indwara y’ubushita, Dr Rosamund Lewis yavuze ko Monkeypox idakwirakwira cyane nk’izindi virus zirimo na Coronavirus.

Yakomeje avuga ko hataraboneka ibimenyertso byerekana ko iyi virus yihinduranya ikabyara izindi, ariko ngo haracyari gukorwa ubushakashatsi.

Umukozi wa OMS Andy Seale, yavuze ko kuri ubu hari byinshi bitarasobanuke kuri iyi ndwara.

Yagize ati “Hari ibuhuha byinshi biganisha ku myumvire y’uko iyi ndwara yibasirara abagabo baryamana n’abo bahuje ibitsina, cyangwa ko iyi ndwara ifata abirabura gusa kubera gukoresha amafoto yabo mu nkuru zerekeye Monkeypox.”

Yavuze ko hari ingamba ziri gufatwa kugira ngo abaturage bahabwe amakuru yizewe yerekeye Monkeypox.

Monkeypox yandurira mu kuba umuntu wanduye akoranyeho n’undi muzima akamwanduza, amatembabuzi yo mu mubiri, amatembabuzi aturuka mu myanya y’ubuhumekero cyangwa gukora ku bintu byagiyeho virus, nk’imyenda cyangwa ibiryamirwa by’uwanduye.

Kugira ngo umuntu wanduye agaragaze ibimenyetso bisaba iminsi iri hagati ya 6 na 13, ariko ishobora no kugera hagati y’imisi 5 na 21.

Kugeza ubu Monkeypox ifatwa nk’indwara idakomeye, ariko ishobora kugira ubukana ku bana, abagore batwite, abantu bafite ibibazo by’ubudahangarwa cyangwa bafite ibindi bibazo by’ubuzima.

Bimwe mu bimenyetso bikomeye byayo harimo kuribwa umutwe, umuriro mwinshi ushobora kurenga 38.5°C, kugira utubyimba ku mubiri nk’aho ari ubushye, kubabara umugongo no gucika intege cyane.

OMS yahumurije abantu ko Monkey Pox itaraba icyago gihangayikishije Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .