00:00:00 IGIHE NETWORK KN KINYARWANDA EN ENGLISH FR FRANCAIS

Ubushakashatsi bwagaragaje ibishobora kurinda ingaruka z’izabukuru

Yanditswe na Zigiranyirazo Bajecteur
Kuya 17 March 2022 saa 12:11
Yasuwe :

Abashakashatsi bo mu bitaro byitwa Mayo byo muri Amerika, bamaze imyaka bakora inyigo ku cyafasha umuntu kudahura n’ingaruka z’izabukuru.

Baje kuvumbura umuti uzwi nka “Senolytic” ufite ubushobozi bwo gufasha uturemangingo gukomeza kwiyubaka mu gihe umuntu agana mu zabukuru.

Uretse kongera intungamubiri zifasha kurinda ingaruka ziterwa n’izabukuru, Senolytic inafasha mu buvuzi bw’indwara ya diabète n’indwara zo mu mutwe zaba izishingiye ku mitekerereze n’indwara yo kwibagirwa.

Abashakashatsi basuzumaga uko umuti wa Senolytic ushobora kongera ubushobozi bw’intungamubiri zitwa “a-klotho” zimenyereweho gufasha abageze mu zabukuru kutazahazwa n’ingaruka n’indwara zibasira abageze muri icyo gihe.

Ubushakashatsi kuri uyu muti mu ntungamubiri za a-kotho, bwerekanye ko zifite umumaro mu gufasha imikaya kwiyuburura no kudacika intege ikiyubaka mu gihe umuntu yabaye umukambwe cyangwa umukecuru.

Mu bushakashatsi bw’ibanze bakoreye ku moko atatu y’imbeba zisanzwe zifite byinshi zihuriyeho n’abantu, byagaragaye ko imiti ya Senolytics yongera urwego n’ubushobozi bw’intungamubiri za a-klotho.

Bwanakorewe ku barwayi bari bafite indwara z’ubuhumekero n’izi’ibihaha maze bugaragaza ko uyu muti ushobora kubafasha gukira.

Ubusanzwe ubushobozi bw’intungamubiri za a-klotho bugabanuka uko imyaka yicuma umuntu agana izabukuru, ariko ubushakashatsi bwahishuye ko iyo hakoreshejwe iriya miti ya Senolytics birinda ingaruka z’ubusaza ku rugero rwa 30%.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .