00:00:00 IGIHE NETWORK KN KINYARWANDA EN ENGLISH FR FRANCAIS

Uburyo bwiza bwo kwita ku ruhu mu gihe cy’Impeshyi (Video)

Yanditswe na Mukahirwa Diane
Kuya 8 August 2023 saa 08:48
Yasuwe :

Ibihe bigenda bisimburana hakabaho imvura n’izuba, kuri ubu ibihugu byinshi biri mu gihe cy’Impeshyi, aho ubushyuhe n’izuba aribyo byinshi.

Hari abantu bamaze kubigira umuco ku buryo iyo ibihe bihindutse bahindura n’uko babagaho ariko hari n’abandi baterera agati mu ryinnyo nyarama bidasaba byinshi.

Iyo ibihe bihindutse uruhu ruba rugomba kwitabwaho mu buryo butandukanye n’ubwari busanzwe kuko nk’iyo haje izuba rugirwaho ingaruka nyinshi no kutaryirinda.

Mu kiganiro IGIHE yagiranye n’umuhanga mu bijyanye no kwita ku ruhu, Niyigena Diane, yagaragaje bimwe mu byo ukwiye gukora mu kwita ku ruhu rwawe mu gihe cy’Impeshyi.

Niyigena avuga ko kimwe mu bintu by’ibanze uba ukwiye gukora kugira ngo ugire uruhu rwiza ari ukwita ku mirire yawe no kunywa amazi.

Ati "Muri iki gihe cy’izuba icya mbere ni ukunywa amazi menshi, nk’uko mubizi umubiri ugizwe n’amazi menshi, mu zuba hari ayo dutakaza mu kubira ibyuya n’ibindi uba ugomba kuyagaruza."

"Ikindi ni ukurya neza kandi ku gihe kandi ukisiga amavuta meza biruzuzanya, ntabwo wakwisiga amavuta meza urya isukari nyinshi, inzoga nyinshi, unywa itabi, utaryamira igihe byose byangiza umubiri ni ukubyirinda."

Yakomeje avuga ko iyo izuba ryaje uba ugomba guhindura amavuta wisiga kandi abakoresha amavuta atukuza, bakayirinda kuko akurura izuba rikabatwika.

Ati "Muri iki gihe ni ukwirinda ibintu bitukuza, usibye ko atari na byiza kuko ibirimo bikurura izuba cyane niba wayisize rikugeraho vuba rikaba rikagutwika."

Niyigena avuga ko ibi uba ugomba kubyitwararika ndetse ukarushaho kwiyitaho ukoresha buri gihe amavuta arinda izuba (sunscreen), ugakoresha ’scrab’ ndetse n’ibindi byose bituma urushaho kumererwa neza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .