Lancet Laboratories na Cerba HealthCare bikomeye mu gupima ibizamini by’indwara byihuje

Yanditswe na IGIHE
Kuya 12 Mutarama 2019 saa 02:49
Yasuwe :
0 0

Ikigo gitanga serivisi za laboraratwari, Lancet laboratories gikorera mu Rwanda no mu bindi bihugu 14 bya Afurika n`ikindi cyo mu Burayi, Cerba Healthcare byahuje ibikorwa byabyo mu gukomeza gutanga serivisi nziza muri Afurika.

Biciye mu kigo gishya cyashinzwe, Cerba Lancet Africa, uku kwishyira hamwe kuzafasha amamiliyoni y’abanyamwuga mu by’Ubuvuzi ndetse n’abarwayi muri Afurika, gutanga serivisi za laboratwari zemewe ku rwego mpuzamahanga, serivisi za laboratwari zizewe kandi zitangiwe igihe mu rwego rwo gufasha kuvura indwara.

Cerba Lancet Africa izaba ifite urutonde rwa laboratwari zemewe ku Rwego mpuzamahanga zirenga 100 zari zisanzwe zifitwe na Lancet muri Afurika harimo n`u Rwanda. Izo laboratwari zikoramo abakozi basaga 1400, batanga serivisi ku barwayi basaga miliyoni 1.3 buri mwaka, bakinjiza asaga miliyoni 40 z’amayero (hafi miliyari 42 Frw).

Uku kwihuza kurashyira Cerba Lancet Africa ku mwanya ukomeye mu batanga serivisi za laboratwari muri Afurika yo munsi y’ubutayu bwa Sahara, irateganya kwegereza abaturage serivisi muri Afurika harimo n’ibihugu bivuga Igifaransa biri munsi y’ubutayu bwa Sahara aho Lancet Laboratories itarifite amashami.

Uku kwihuza kurareba ibikorwa bya Lancet Laboratories Rwanda, Uganda, Kenya, Tanzania, Botswana, Ghana, Mozambique, Nigeria, Swaziland, Zambia and Zimbabwe. Ariko ibikorwa bya Lancet yo muri Afurika y’Epfo ntibirebwa n’uku kwihuza.

Amashami ya Lancet muri ibyo bihugu azagumana iryo zina yari asanganywe nk’uko byatangajwe n’icyo kigo.

Cerba Healthcare ifite icyicaro i Paris mu Bufaransa ifite abakozi barenga 6,000 ikaba ifite laboratwari n`ibigo bya tekiniki mu Burayi cyane cyane mu Bufaransa, u Bubiligi, Luxembourg n’u Butaliyani.

Kubera iki habayeho uku kwihuza:

Mu myaka irenga 30, Cerba Healthcare yatanze serivisi za laboratwari zo ku Rwego rwo hejuru ku banyamwuga mu by’ubuvuzi n’ibigo mu bihugu bisaga 15 by’Afurika, cyane cyane ibikoresha Igifaransa, muri za laboratwari zabo zikomeye zo mu Burayi, bakora ibizamini bisaga 600,000 ku mwaka kandi ibisubizo byinshi bikaboneka mu masaha 48.

Cerba HealthCare imaze igihe gisaga imyaka 20 ifite imikoranire na Lancet Laboratories biciye mu kigo bashinze muri Afurika y’Epfo.

Hashingiwe ku bunararibonye n’ubufatanye bw’inzobere, humvikanywe ku gikenewe n’impanvu yo kwongera ibikorwa bya laboratwari muri Afurika ndetse no gukwirakwiza serivisi za laboratwari nziza ku bazikeneye, Cerba Healthcare yafashe umwanzuro wo gushora imari mu bikorwa byo kubaka laboratwari zayo muri Afurika.

Hashingiwe ku bufatanye n’ubunyamwuga, ku kuba tuzi neza ubuvuzi n’ababukoramo mu bihugu bitandukanye no kubaka ibigo bya laboratwari na tekiniki, twebwe abafatanyabikorwa dufite intego yo kuba aba mbere muri uyu mwuga muri Afurika.

Umuyobozi Wungirije wa Cerba HealthCare, Jérôme Thill yagize ati "Intego yacu ni uguteza imbere umwuga w`ubuvuzi aho twari dusanzwe dukorera ndetse no kwagura tukajya mu bindi bihugu. Hamwe n’umufatanyabikorwa Lancet Laboratories, turateganya ishoramari rikomeye ryo gutanga serivisi za laboratwari zijyanye n’ibyo abarwayi, abanyamwuga n’ibigo by’ubuvuzi bakeneye ari nako dukora ubucuruzi ku mugabane".

Umuyobozi wa Lancet Laboratories, Dr Peter Cole yagize ati “Ubunararibonye bw’ibigo byacu byombi, buzatwubakira imbaraga. Twishimiye gufatanya na Cerba HealthCare kandi turajwe ishinga no kwagura imbaraga zacu n’imikorere kugira ngo duteze imbere ubuzima bw’abanyafurika.”

Dr Ahmed Kalebi, Umuyobozi wa Lancet Group of Laboratories muri Afurika y’Iburasirazuba igizwe n’ibihugu Uganda, Kenya, Tanzania n’u Rwanda yishimiye ubwo bufatanye avuga ko kwinjira kwa Cerba Healthcare ivuye mu Burayi bizana ubunararibonye mu mikorere nk`ikigo mpuzamahanga, hamwe nabo mu bijyanye n’ubushobozi bw’imari bizongera ibikorwa byacu mu karere.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza