00:00:00 IGIHE NETWORK KN KINYARWANDA EN ENGLISH FR FRANCAIS

Impfu zikomoka ku businzi ziyongereyeho 25% muri Amerika

Yanditswe na Umwali Zhuri
Kuya 19 March 2022 saa 08:33
Yasuwe :

Ubushakashatsi bwagaragaje ko impfu zifitanye isano no kunywa inzoga nyinshi ziyongereyeho 25.5% muri Leta zunze Ubumwe za Amerika hagati ya 2019 na 2020.

Ubu bushakashatsi bwatangaje kuri uyu wa Gatanu mu kinyamakuru cy’ibijyanye n’ubuzima muri Amerika, bwerekana ko mu mwaka wa mbere wa Covid-19, impfu zifitanye isano n’inzoga ziyongereye cyane dore ko kuva mu 1999-2017 zari kuri 2.2%.

Nibura abantu 78,927 barapfuye biturutse ku nzoga mu 2019, naho mu 2020 bagera ku 99,017. Izi mpfu kandi zinarimo impanuka z’ibinyabiziga zatewe no gusinda.

Mu 2019, impfu zifitanye isano n’ubusinzi zari kuri 2.8% by’impfu zose muri Amerika, mu 2020 bigera kuri 3%.

Aaron White, umwe mu bakoze ubu bushakashatsi yavuze ko ’batatunguwe ariko imibare babonye batari bayiteze".

Ati "Ni ibintu bisanzwe kuba abantu banywa inzoga cyane mu gihe bafite ibibazo ariko icyorezo cya Covid-19 cyo cyazanye undi muhangayiko mwinshi cyane mu buzima bw’abantu. Cyanatumye abantu batajya mu bikorwa byabavuraga uwo muhangayiko nko guhura no gukora siporo muri gym".

Abashakashatsi basesenguye ibyemezo by’uko abantu bapfuye hagati ya 2019 na 2020. Banasanze kandi muri Mutarama 2021 ari ukwezi kwapfuyemo abantu benshi bazize impamvu zifitanye isano n’inzoga ugereranyije n’andi mezi yo hagati ya Mutarama 2019 na Kamena 2021.

Umubare munini w’abishwe n’impamvu zifitanye isano n’inzoga ni abafite hagati y’imyaka 35-44, aho biyongereyeho 40%. Abenshi bakaba ari abagabo nubwo n’abagore barimo kwiyongera.

Ubusinzi bukomeje guhitana abantu benshi muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .