00:00:00 IGIHE NETWORK KN KINYARWANDA EN ENGLISH FR FRANCAIS

Ibyo ukwiye kumenya kuri “Statins”, imiti igabanya ibinure

Yanditswe na Zigiranyirazo Bajecteur
Kuya 24 March 2022 saa 04:47
Yasuwe :

Ikibazo cy’ibinure byinshi mu mibiri y’abantu gikomeje guteza inkeke. Nko muri Leta Zunze Ubumwe za Amerika abagifite bagera hafi kuri 38%, kandi ibinure bikaba bitera ibyago byikubye kabiri byo kuba umuntu yarwara indwara y’umutima isanzwe izwiho kuba ku isonga mu zihitana benshi muri icyo gihugu.

Mu kugerageza kurwanya ubwiyongere bw’ibinure mu mubiri, abantu bagerageza gukora imyitozo itandukanye, kwita ku mirire yabo, kugabanya kunywa inzoga n’itabi ariko hari izindi mpamvu zishobora gutuma umuntu ananirwa no kugabanya ibinure zirimo nko kuba ari ibintu by’uruhererekane mu muryango cyangwa ari ibiri guterwa n’ikigero cy’imyaka y’ubukure agezemo.

Mu myaka ya 1980 haje kuboneka ibinini byiswe “Statins” byagiye byifashishwa nk’intwaro mu kagabanya ibinure mu mubiri ndetse muri iyi myaka 20 ishize ikoreshwa ryabyo ryarazamutse cyane kugeza aho ubu bifatwa nk’imiti iri gukoreshwa cyane kurusha indi mu isi yose.

Nko muri Amerika abagera kuri miliyoni 35 bari kuyikoresha abandi batari bake bakaba baramaze kubwirwa n’abaganga ko igihe cyabo cyo kuyiyoboka kigeze.

Ibi binini bikora bite?

Ubusanzwe umubiri w’umuntu ukenera ibinure kuko bifasha mu igogora ry’ibiryo, kubika vitamini runaka no gukora imisemburo. Ku rundi ruhande ariko iyo bibaye byinshi bishobora kubuza umubiri ubuhumekero amaraso ntatembere neza ku buryo birangira biviriyemo umuntu indwara ya Stroke cyangwa se indwara y’umutima.

Ibinini bya Statins binazwi ku izina rya HMG-CoA uretse kuba bifasha mu kugabanya ibinure mu mubiri, Dr. Mary P. McGowan, umuyobozi ushinzwe ubuvuzi mu kigo cya Family Heart, avuga ko ibi binini byahinduye ikintu kinini mu buvuzi bwo kugabanya ibinure, aho anavuga ko bifite umumaro mu kugabanya umuvuduko w’amaraso utoroheye abenshi mu isi ya none.

Agira ati "Ibinini bya Statins byageze ku isoko mu 1987 kandi byahinduye ku buryo bugaragara uko tuvura abantu bafite ibinure byinshi".

Iyi miti yifitemo ubushobozi bwo kugabanya ibinure mu muntu ku rugero rwa 50%.

Ese nta nkurikizi ku wabikoresheje?

Impamvu ituma ibi binini byifashishwa henshi ku isi ni uko bibasha gusohoza umurimo wabyo ndetse kugeza ubu nta nkurikizi idasanzwe bigira uretse nko kubabara gake kw’imikaya, kuba umuntu ashobora kugira impatwe cyangwa agasa n’uhunyiza mu gihe yabikoresheje ariko nta nkurikizi y’igihe kirekire ibi binini bigira nk’uko bishimangirwa na McGowan.

Muri rusange, abantu bagirwa inama yo gufata amafunguro abafasha kutagira ibinure byinshi nk’imboga, imbuto n’amafi kandi buri wese akitoza kujya yegera umuntu ubifitiye ubumenyi akamuganiriza atarindiriye kuzamushaka ari uko yamaze gufatwa n’ubu burwayi bukomeje gufata indi ntera ku isi.

Ibinini bya Statins byifashishwa mu kugabanya ibinure

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .