Umuturage w’i Kigali yishwe na Coronavirus, abayanduye biyongereyeho 166

Yanditswe na Ishimwe Israel
Kuya 12 Mutarama 2021 saa 10:31
Yasuwe :
0 0

Minisiteri y’Ubuzima yatangaje ko umuntu umwe yishwe na Coronavirus mu Rwanda mu gihe abayanduye biyongereyeho 166 bituma umubare wabo ugera kuri 9950 mu gihugu hose.

Umugabo w’imyaka 55 wo mu Mujyi wa Kigali yabaye uwa 125 yahitanywe na Coronavirus ku butaka bw’u Rwanda.

Minisante kandi yatangaje ko mu bipimo 1937 byafashwe kuri uyu wa Kabiri habonetse abanduye 166 mu gihe nta barwayi bagikize mu masaha 24 yashize.

Abarwayi bshya bagaragaye muri Kigali: 108, Huye: 18, Kirehe: 9, Rwamagana: 7, Nyagatare: 7, Rubavu: 6, Muhanga: 6, Nyamasheke: 3, Rusizi: 1, Bugesera: 1

Kuri ubu mu Rwanda hamaze gufatwa ibipimo 771 275, byasanzwemo abantu 9950 banduye Coronavirus, abagera ku 6974 bamaze kuyikira mu gihe abakirwaye ari 2851.

Ijanisha ryerekana ko umubare w’abicwa na Coronavirus uhagaze kuri 1.2% mu gihe abayandura na bo batumbagiye ku kigero cya 8.6%.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .