Umuntu wa 32 yishwe na Coronavirus mu Rwanda, abayikize ni 271

Yanditswe na Ishimwe Israel
Kuya 12 Ukwakira 2020 saa 10:13
Yasuwe :
0 0

Minisiteri y’Ubuzima yatangaje ko umugabo w’imyaka 51 yishwe na COVID-19 mu Rwanda, bituma umubare w’abamaze guhitanwa n’iki cyorezo ugera kuri 32.

Itangazo rya Minisante ryerekana ko kuri uyu wa Mbere kandi abantu icyenda basanzwemo icyorezo cya COVID-19 giterwa na Coronavirus mu bipimo 2149 byafashwe. Ibi byatumye umubare w’abamaze kwandura uba 4905.

Abarwayi bashya bagaragaye mu Karere ka Nyagatare, ahasanzwe umunani mu batwara amakamyo mu gihe muri Kayonza hakuwe umwe.

Kuri uyu munsi kandi kuva umurwayi wa mbere asezerewe mu bitaro nibwo hakize abantu benshi mu munsi umwe, 271; byatumye abamaze gukira bose baba 3877.

Abantu benshi baherukaga gusezererwa nyuma yo gukira COVID-19 ni 180, hari ku wa 14 Nzeri 2020.

Mu Rwanda hamaze gufatwa ibipimo bya Coronavirus 521 137, hasanzwemo abantu 4905 banduye. Muri bo 3877 basezerewe mu bitaro nyuma yo gupimwa bagasangwa nta bwandu bagifite mu gihe 996 bakiri kwitabwaho.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .