Umuntu umwe yishwe na Coronavirus mu Rwanda, abayikize ni 171

Yanditswe na Ishimwe Israel
Kuya 11 Mata 2021 saa 10:40
Yasuwe :
0 0

Minisiteri y’Ubuzima yatangaje ko umuntu umwe yahitanywe na Coronavirus kuri uyu wa 11 Mata 2021, mu gihe abarwayi 171 bayikize mu masaha 24 yashize.

Itangazo rya Minisante ryerekanye ko kuri uyu munsi, umugabo w’imyaka 60 wo mu Mujyi wa Kigali ari we wishwe na Coronavirus, bituma umubare w’abamaze guhitanwa n’iki cyorezo uba 315.

Rikomeza rivuga ko abantu basanganywe Coronavirus ari 83, bakuwe mu bipimo 6047 byafashwe bituma umubare w’abamaze kwandura mu Rwanda uba 23.426 mu bipimo 1.220.068 bimaze gufatwa kuva muri Werurwe 2020.

Abarwayi bakize biyongereyeho 171, abamaze gukira bagera ku 21.243 mu gihe abakirwaye ari 1.868, barimo batanu barembye.

Ibikorwa byo gukingira Coronavirus mu Rwanda byatangiye ku wa 5 Werurwe 2021, ndetse kugeza ubu hakingiwe 348.926 bahawe inkingo zirimo iza AstraZeneca na Pfizer-BioNTech.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .