Umuntu umwe yahitanywe na Coronavirus, abakize biyongereyeho 150

Yanditswe na Ishimwe Israel
Kuya 2 Werurwe 2021 saa 10:49
Yasuwe :
0 0

Minisiteri y’Ubuzima yatangaje ko umuntu umwe ari we wahitanywe na Coronavirus, handura abantu 125 mu gihe abakize biyongereyeho 150.

Minisante yagaragaje ko uwishwe na Coronavirus kuri uyu wa Kabiri ari umugore w’imyaka 84 wo mu Mujyi wa Kigali.

Abanduye bashya batumye umubare w’abamaze kwandura bose ungana na 19 111. Umubare w’abamaze gukira bose ni 17 472 naho abamaze gupfa ni 265.

Abakirwaye ni 1374 mu gihe umunani ari bo barembye. Kuva muri Werurwe umwaka ushize, mu Rwanda hamaze gufatwa ibipimo 1 017 029 harimo 4578 byafashwe mu masaha 24 ashize.

Ibimenyetso by’iyi ndwara birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abanyarwanda bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .