Ubwoba mu Bushinwa nyuma yo kuvumbura Coronavirus ku nyama z’inkoko

Yanditswe na Ndahayo Emmanuel
Kuya 13 Kanama 2020 saa 06:26
Yasuwe :
0 0

U Bushinwa bukomeje kuba mu gihirahiro cya Coronavirus, nyuma y’uko kuva muri Nyakanga uyu mwaka, ibipimo bya Coronavirus byagiye bisanga iyi virus ku matungo akunzwe cyane aho arimo ibiryo bivanwa mu Nyanja.

Kuri uyu wa Kane, mu bipimo byafashwe ku nyama z’inkoko zivanywe muri Brésil, byagaragaje ko harimo ubwandu bwa Coronavirus.

Brésil ni cyo gihugu cya kabiri nyuma ya Leta Zunze Ubumwe za Amerika kibasiwe cyane na Coronavirus. Abarenga miliyoni eshatu muri icyo gihugu banduye iki cyorezo kugeza ubu.

Si ubwa mbere ibipimo bigaragaje Coronavirus ku biryo n’amatungo mu Bushinwa, kuko aka gakoko kanasanzwe mu biryo byo Nyanja byari bikuwe muri Equateur ku munsi w’ejo hashize.

Ubuyobozi bw’akarere ka Shenzhen kabereyemo iri sanganya, bwavuze ko bwakurikiranye buri wese wagize aho ahurira n’imizigo yajemo izo nkoko. Banapimye kandi buri muzigo, ndetse banasukura agace karimo izi nkoko ku buryo nta muntu wundi wasanganywe aka gakoko cyangwa ngo gasangwe mu yandi matungo.

Ishami ry’Umuryango w’Abibumbye ryita ku Buzima, OMS, ryatangaje ko ikigero cyo kwandurira Coronavirus ivuye ku nyamaswa ari gito cyane n’ubwo bishoboka.

Itangazo rya OMS rigira riti: “Nta kimenyetso cyerekana ko virus zitera indwara z’imihumekere zandura binyuze mu biryo cyangwa ibibikwamo ibiryo. Coronavirus ntiyororokera mu biryo; ikenera inyamaswa cyangwa umuntu kugira ngo yororoke”.

Abarenga miliyoni 20 bamaze kwandura Coronavirus ku Isi, barimo abarenga ibihumbi 749.000 yahitanye.

Coronavirus yagaragaye ku nyama z'inkoko

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .